وحده من الأشياء اللي الاحظها هي كثر الملامه
شون يعني؟
دكتور انشل نشله نفاس مني و صار عنده تحسس ؟
هلو ياب هاي منينلك؟ منو كال هالعلم؟
دكتور لان ما انطيته خافض حراره انشمر؟
هلو؟ هو خافض الحراره سواء شراب او تحميله يحتاج ساعه يلا يشتغل !!!
دكتور طلعته بره و انشل!!!
و اذا امي انشل ما هو الطفل الأمريكي ينشل بالسنه ١٢ مره بالمعدل !!!
في حين الشغلات اللي ممكن تلومين نفسك بيها
انه ما رضعتي طبيعي و كان بامكانك ترضعيه و عندك حليب بس ما انطيتي لان خاله تسواهن و اتحداهن كالت حليبج خفيف ما يسمن !
لومي نفسك اي من طفلك يوميه اسهال بسبب الملهيه و مخليتها بفم طفلك بعد ال ٦ اشهر
لومي نفسك اي من طفلك ما ياكل و فقر الدم مسويه نوميه و انت تنطيه حليب و ما فاطمته من المميه بعمر سنه و نص !!!
ما راجعتي لطفلك بمرضه و هو عنده اسهال او ابو صفار و صدكتي بسوالف الثوم و البصل ؟!!!
دائما سوي الصح
و اللي يرضي ضميرك
و ان شاء الله لا ملامه عليك و لا على ابوه
د. سيف سمير البياتي
اخصائي طب الأطفال
