لعمر مادون السنتين او اقلها ١٨ شهر (سنة ونص)
قبل هذا العمر
ممنوع
ممنوووووع
ممنوع
منعا باتا
ممنووووووع الطفل يشوف شاشات
يعني ياعمر؟
يعني ابو شهر وابو شهرين وابو ٣ اشهر
وابو ٤ اشهر
وابو ٥ اشهر
وطفل ال٦ اشهر
وال٧ اشهر
وال٨ اشهر
وال٩ اشهر
وال ١١ وال١٢
وطفل سنه وشهر وطفل سنه وشهرين وطفل سنه و٣ اشهر
وطفل سنه و٤ اشهر
وطفل سنه و٥ اشهر
من يصير سنه و٦ اشهر
ممكن (نشاااط مشترك قليل يتعرف بي عن الشاشه بوجود الام ومايتعدى الربع ساعه)
واني افضل طبعا الانتظار للسنتين يلا نبدا بهذا النشاط بمده لاتزيد عن ٥ ساعات بالاسبوع
بس اضعف الايمان
اضعف الايمان
يعني الي تعرض طفلها وعمره سنه ونص ع شاشات نكلها انتي مستعجله والافضل تنتظرين بعد
اما الي تعرضه وهو دون هذا العمر
فانت دتسوين خطأ شنيع
تعريض طفل دون السنه والنصف للشاشات هي جريمه بحق طفولته وبحق عقله وبحق عضلاته وبحق تواصله وبحق احساسه وبحق نموه
وللاسف ميعي الاهل على خطر هذا الفعل الا بعد حدوث مشاكل عميقة تضيع على الطفل سنوات وسنوات من الاستمتاع بالطفولة وهو كاضيها يتعالج
واكيد هسه تجي وحده تكول شو خليتها ومن هي بالكماط كبال التلفزيون وهسه هي مثل الوردة وتحجي مثل البلبل
وكلشي مابيها
وكانما هي المشكلة بس بالكلام
تره الطفل مو مسجل صوت المهم يحجي ويطلع صوت
ما انكر ان قدره الكلام هي قدره مهمه
لكن هي مو كلشي
⛔احجيلي ايده شلونها؟ يكدر يلزم قلم ويلون؟
اني اجاوبج واكلج مستحيل
احجيلي من يوصل للمدرسه شلون رح يكتب ؟!
لو يكضيها تواصل شفهي؟
⛔احجيلي من تواجهه مشكله شيسوي؟
اني اجاوبج واكلج ينبطح بالكاع يبجي
ليش؟
لان ماعنده مهاره يتواصل بيها ويعبر عن مشاعره
⛔احجيلي شوكت ينام؟
اني اجاوبج واكلج ع وجه الفجر
⛔احجيلي اذا يمشي لراس الشارع شيصير بي؟
اني اجاوبج واكلج يظل ينهت عبالك عجوز عمره ٧٠
⛔احجيلي عن الادمان وشلون اول مايكعد من نوم يريد موبايل
يكعد ع اكل يريد موبايل
يطلع بالسيارة يريد موبايل
يريد ينام يريد موبايل
كل هاي وتكولين كلشي مابي ومثل الورده !
خاطر الله شيصير بي بعد
لو الا يبطل يحجي يلا تعتبروه ها صدك طلع ياثر!
للعلم الأف الاطفال في العراق يعانون من تاخر الكلام مابين التاخر البسيط الى الحاد وبعضهم على عمر ٣ سنوات وهو يدوب يكول ماما وبابا وللاسف هو جان طفل طبيعي من اجى للدنيا
رب العالمين خلاه كامل مكمل مابي اي مرض ولا اي نقص
بس باهمال اهله تحول الى مريض ومتاخر وبعضهم حتى متخلف عقليا !
هسه تكلولي دكتورة بلا مثالية خل نكون واقعيين
اجاوبكم وبكل واقعيه
هواي نخطا بتربية اطفالنا وهواي نقصر ونخليهم باوقات ما المفروض يتعرضون للشاشات , بس هذا يبقى غلط وعمره ماصار صح
لذلك كل ام تنصح امهات اخريات ان يكونون مهملات وان يخلون طفلهم ع شاشه بحجه هي صاحبه تجربه فريده وانها اثبتت نظرية مؤامرة الاطباء بان الطفل تعرض للشاشات بعمر دون السنة وطلع مثل الورده
اكلها خلي الله بين عيونج وداري طفلج صح واذا انت لهدرجة ماعندج احساس بالمسؤولية لاتبثين شرورج ع باقي الامهات , لان الي حيددفع الثمن مجتمع كامل من يصير كل افراده بلهاء وقدراتهم العقلية محدودة
د.اسماء اسماعيل البدري