و الله اضرب الجهال لان نفسيتي تعبت منهم و من البيت و من الرجال و من العيال و اطلع قهري بيهم يا نفسيه يا تاثير على النفسيه احنا عايشين بالعراق و هاي سوالفك مال أوربا و واحد مرتاح
اي انت تضرب الجهال
بس عمرك ما ضربت مديرك بالشغل و لا تطاولت على مسؤولك بالعمل من نرفز أعصابك!!
اي انت تضرب الجهال لان انت أقوى منهم و هم الأضعف
الموضوع ماله علاقه بالاعصاب نهائيا لان انت نفسك كدرت تمسك أعصابك كدام اللي بيده راتبك و ترقيتك و ما تكدر تمسكها كدام اللي ما يكدر يردها
from د. سيف سمير البياتي