و انضافت لينة لقائمه التحسس السعيده
الربو او التحسس ما تفرق هوايه
كانت القائمه ابتدت بيه
و بعدها ابني
و بعدها انضافت بنتي الاخيره لينه
قبل ايام و بعد نشله خفيفه
بدا ضيق النفس
و بدينا بالاقل اعراض جانبية اي جهاز التبخير
اول ما بديت فقط مغذي مالح لان اله القدرة على ترطيب الاغشيه المخاطيه
و كون الحاله استمرت بديت فنتولين بخاخ
الحمد لله اليوم احسن
اكيد ما اكتب هذا البوست حتى احجيلكم عن حياتي
اكتب هذا البوست حتى اكول انه يبقى كلشي موضعي افضل و اقل اعراض جانبيه
جهاز التبخير ما يسوي مي بالرئه
جهاز التبخير ما يتعود عليه
جهاز التبخير اقل اعراض جانبيه من الشرابات و الابر
د. سيف سمير البياتي اخصائي طب الاطفال
