و بدوا يكبرون
و بدت تستقل خطواتهم
و كبروا و كبرنا و بدينا نبتعد عن أولادنا
و بدوا ياخذون مسارات بعيده و أصدقاء جدد و شخصيات مستقله
هنا بهذا البوست راح اكتب عن كيف تعيد ود العلاقه مع أولادكم المراهقين و الشباب اللي ابتعدوا لفتره عنكم
نبدي بيها خطوه خطوه لاعاده التفاعل و الروح الحلوه بين الآباء و الامهات من جهه و أولادهم المراهقين من جهه أخرى
❤ اول خطوه
اهتم باللي هو يهتم بيه
يعني ابنك يحب يغني اشتريله اداه موسيقيه
يحب يقرا كتاب معين اشتريله فلان كتاب
يحب يرسم اشتريله اداه رسم
يحب مطرب معين اسمع هذا المطرب وياه
يحب يلعب كره القدم شجعه و دخله نادي
❤ اعطه الحريه
الحريه مهمه للشاب و المراهق
تجعل من شخصيته أقوى
الطفل ما يحتاج فقط للأكل بس يحتاج مساحه شخصيه لحياته
الثقه جزء مهم بالعلاقه بينك و بين طفلك
مثلا
يريد يروح لبيت صديقه مشي او يركب بسيارات النقل العام
اذا انت مطمئن انه يدبرها خليه
اطلب منه يدرس اخوانه
او يساعدك ببعض الأعمال المنزليه
اة حتى لو يتسوق وياك
❤ تكلم مع ابنك او ابنتك كبالغ
اترك لغه الحوار من كانوا أصغر
اسأله شون كان يومك ؟
شتحب نسوي بنهايه الاسبوع
شنو رايك بفلان قصه
❤ كضي السهره سويه
تمشوا مثلا
او سهره على فلم
او العبوا طاولي
❤ اخيرا ابدا لا تنسى أن تظهر تعاطفك و حبك و احترامك
كوله او كولها احبك
انت فخري
انت سندي
هيجي راح يحس بعظمه نفسه بعينك
د. سيف سمير البياتي اخصائي طب الاطفال
from د. سيف سمير البياتي