و لان الاطلاع على تجارب الاخرين يزود معلوماتنا بخصوص تغذيه اطفالنا و بالتالي ضمان مستقبل اكثر صحه من شباب الان
هذه المره نتطلع على موقع الأغذيه الايرلندي و اترجملكم
⭕ متى نبدا باطعام الطفل؟
ينصح قسم الطفوله و الصحه بادخال الطعام بعمر ٦ اشهر للاطفال اللي يرضعون طبيعيا
و بعمر ٤ اشهر ( بعد 120 يوم ) للاطفال اللي يرضعون صناعيا
⭕ تذكر دائما لا تدخل الطعام قبل 120 يوم و لا تاخر الطعام بعد 6 اشهر
⭕ باي وقت باليوم ابدي اطعم الطفل اول وجبة؟
لا توكل اول وجبه و الطفل جوعان
الاكل تجربه ممتعه
خليه يستمتع بالاكل و التجربة
اول شي رضعي طفلك طبيعي او صناعي بعدها من تشوفين طفلك مرتاح ابدي وكليه
ابدا بوجبه وحده باليوم
و اصعد بالتغذيه على هذه الوجبه الوحده
قدم مختلف الاصناف و الاطعم باول سنه
و انتظر دائما ٣ الى ٤ ايام يلا تدخل الطعام الجديد
يقسم الموقع ادخال الطعام على ٣ مراحل
٤ الى ٦ اشهر
٦ الى ٩ اشهر
٩ اشهر الى سنة
❤نبدي باول مرحله ٤ الى ٦ اشهر
⭕ بشنو ابدي كاول وجبه؟
اي طعام يرهم يكون سائل جدا ممكن جدا انه تبدين ماكو
ماكو شي يكولك انه فلان طعام احسن من فلان انت براحتك
لكن تبدو الفواكه مثل الموز و العرموط او الخضراوات مثل الموز و الفاصوليا الخضراء اللي تصير على شكل عصيده خيار جيد للبدايه مثلها مثل الرز
بعدها يمكن اعطاء كل شيء حرفيا و توسيع القائمه و يذكر امثله منها البيض على شرط يكون ناضج و اللحم و الدجاج و البقوليات و تجنب الحنطه
❤ عمر 6 الى 9 اشهر
و بعد ما تقبل الطفل اكثر و اكثر ابدي باطعامه اكل اكثر صلابه و ثخني القوام
ابدا لا تنطي اكل صلب القوام و طفلك بعده ما عنده اسنان
استمر باطعام طفلك الخضراوات و الفواكه
يذكر الموقع الان انه ممكن ادخال الحليب الكامل الدسم لاطعام طفلك الاغذية المختلفه فقط على شرط انه يدخل باكل الطفل مثل الكاستر او لخلطه مع الكورن فلكس
جرب اللبن الان
و ادخل الخبز و البسكت الان
❤ من عمر 9 الى 12 شهر
هنا يكدر يبدي يعض و يمضغ الاكل فابدي
كملي الرضاعه الطبيعيه او الصناعيه لعمر السنه
دائما شجعيه على الاكل الصحي بعيدا عن الاكل الجاهز و الحلويات الفارغه من القيمه الغذائيه
تاكد انه اكل بين الوجبات يكون صحي مثل الوجبات مثل قطعه توست او جبن او فواكه مقطعه
و بعمر السنه اضمن انه ياكل اكل بيت كامل
تاكد ان تراقبه اثناء اكله
نقاط اخرى؟
✅ كملي رضاعه طبيعيه او صناعيه كمصدر شرب رئيسي قبل السنه
✅ غير مسموح ابدا باعطاء الحليب البقري للطفل تحت عمر سنه الا انه يمكن استخدامه لتحضير وجبات طعام مثل الكاستر
✅ ممنوع ادخال اي طعام قبل ٤ اشهر
✅ انطي الطعام بالملعقه و ممنوع اعطاؤه بالمميه فالاطعام بالملعقه راح يمرن عضلات الفك اللي هي راح تستخدم بالكلام فيما بعد
✅ لا تنطي حنطه قبل 6 اشهر مثل البسكت و الصمون
✅ اهم مصدر للحديد هو اللحم الاحمر و يفضل اعطاؤه بعمر ٤ الى ٦ اشهر
و هذا تتذكرون التوصيات الكنديه هم كاتبه نفس الشي
✅ ما يصير تنطب لطفلك اكل حار او سبايسي
✅ لا تضيف ملح او سكر
✅ لا تنطي اي طعام بيه خطر اختناق مثل اللوز و الجوز
و بس
د. سيف سمير البياتي اخصائي طب الاطفال
