و لا يوم من الايام اتذكر لحيت او طلبت من واحد من اولادي ياكل فلان وجبه
الوجبه تنزل بموعدها ينصاحون مره عليها ما عجبهم الاكل او ما اكلوا ينتظرون على الوجبه القادمه
ما بيها الموضوع تسهيلات و تعقيدات و ركض وره الجهال
هذا نظام البيت
.
.
ما اتذكر فد يوم تدخلت بقرار انه رضاعه الاولاد طبيعي او صناعي و لا في يوم تناقشنا بهذا الموضوع
الاطفال اول ما تصحى امهم من العمليه تكول يلا ساعدوني خلي ارضعها و نساعدها و تكمل المهمه الى عمر سنتين تزيد او تنقص رغم دوامها و خفاراتها كانت تاخذهم وياها للدوام حتى تكمل المهمه
.
.
ما اتذكر فد يوم جبتلهم مشهيات و مقويات و ما اعرف ايش عدا فيتامين دي ما انطيهم
و الولد اصلا عنده ربو و كل فتره يضيق نفسه و هم ما انطيته فيتامينات
.
.
اتسوق كل ٣ الى ٤ ايام من الخضراوات و الفواكه و كل واحد منهم يحب نوعيه فواكه معينه و خضراوات معينه اجيبها الهم و اكون جدا فرحان و سعيد انه جبتلهم الصحه ما جبتلهم الحلويات
.
.
اي اكو ايام يشترون بيها جبس او ايس كريم او غيرها من المشتريات بس هي مره كل اسبوعين او 3 اسابيع
اعرف اكو اباء و امهات احسن مني بتربيه اولادهم و افضل مني بتعليم اولادهم و تثقيفهم و انه كلنا نسعى للكمال و الكمال لله
بس نحاول و الباقي على الله
و انت كذلك حان وقتك للتغيير
اهتمي بعقلهم مو بكرشهم
د. سيف سمير البياتي اخصائي طب الاطفال
