يكولك فد يوم من الايام
اكو مدرستين تعتمد على نظامين
المدرسه الأولى تعتمد بالعقوبه على الطالب اللي ما مسوي واجبه مثلا انه تنقص درجاته او تزيد الواجب عليه ضعف
المدرسه الثانيه كانت تعاقب الطالب اما بالضرب او العزل
المهم جتي طبيبه نفسيه و سوت اختبار
انه تحزر طالب طالب على انفراد شنو هذا الصوت
و الصوت الاخير الحقيقي هو صوت فتح بطاقه المعايده و تخلي كره قدم و تكوله للطفل اني طالعه من الغرفه لا تلتفت
من ترجع و تفتح الصوت اللي يطلع من البطاقه و تسأل الاطفال شنو كان الصوت ؟
يجابون و يكولون كره القدم !!!
كل الاطفال التفتوا بالمدرستين و شافوا كره القدم
كل الاطفال كان جوابهم ان الصوت الاخير هو كره القدم
بس الفرق وين صار
الفرق صار لما سالوا الطلاب هل التفتوا؟
الطلاب بالمدرسة اللي تعتمد الضرب و العقوبات كانوا يكذبون اسرع و حتى يبدون صادقين اكثر و هم يكذبون !
عكسهم الاطفال اللي يدرسون بالمدرسه الاخرى فنصهم كالوا الحقيقه انه هم التفتوا و النص الاخر كان يكذب بس واضح انه يكذب
الدرس المستفاد من هذه الدراسه : #القسوة_تصنع_كذبة_ماهرين
و بكيفكم بعد
د. سيف سمير البياتي اخصائي طب الاطفال
from د. سيف سمير البياتي