💖 تعرفون ان اغلب حالات الاسهال ما تحتاج علاج !!!
و ان الفلاجيل و المثبريم و غيرها اللي تصرف بدون وصفه طبيه او بدون تحليل خروج اصلا تطيل فتره الاسهال و ما تقلله !!!
💖 تعرفون ان الاسهال الخفيف مو ضروري يتوقف و الاهم انه تتعوض السوائل
💖 اللي اخاف منه حقا هو القيء و هم مع وجود شرابات القيء الامينه مثل نوفومت و ابر القيء الامينه مثل الزوفران بدا الموضوع يتحسن و جنبنا الكثير من اطفالنا المحاليل الوريديه و دخول المستشفيات
💖 الامساك و الاسهال علاجهم يعتمد على ما ناكل فلذلك نضبط ما ناكل و ينتهي الموضوع في اغلب الحالات
💖 لا لون الخروج و لا صفاته تنطينا فكره عن نوعيه المسبب للاسهال
💖 اذا طفلك عنده نشله فعادي طفلك يصير عنده اسهال
و اذا طفلك عنده التهاب لوزتين فعادي يصير عنده اسهال و هذا ما يعني ابدا اعطاء المضاد الحيوي
💖شوكت اقلق و اراجع ؟
اسهال مع تقيؤ مستمر
اسهال شديد بحيث ما تكدر تحسب عدد المرات
اسهال مع ارتفاع شديد في درجة الحرارة
اسهال مع قلة ادرار
اسهال مع دم
اسهال مع اضطراب في درجة الوعي
#الاسهال_الشتوي
د. سيف سمير البياتي اخصائي طب الاطفال
