😃 هلو دكتور يعني شنو داء الحنطه؟ داء الحنطه هو تحسس الأمعاء لمادة موجوده بالحنطه و الشعير و الشوفان اللي هي اسمها الكلوتين هذه الماده من يصير تحسس الها تصير الأمعاء ضبط مثل البوري كلشي يدخل بيها يطلع مباشرة و ما يصير أو يقل امتصاص المواد الغذائية الضرورية فيصير عند المريض فقر دم و نقص وزن و نقص فيتامين دي 😲 زين دكتور شنو الاعراض ؟ قائمه طويله من الأعراض و مو مثل ما متخيله بس اسهال أو امساك أو انتفاخ أو الم بطن ممكن يجي ابنك بس قصر قامة أو ممكن يجي بس وزنه مو طبيعي فقدان الشهيه ممكن و حتى تسوس الأسنان أو فقر دم ما يستجيب للعلاج يعني قائمه طويله ما أنصحك تكولين هاي أعراض ابني إذن هو داء الحنطه لأن بس الطبيب يكدر يشك بهذا المرض و يدزك التحاليل 😧 المرض وراثي؟ لا مو وراثي بس يصير بعوائل أكثر من غير عوائل يعني ممكن بالبيت إخوان اثنين بيهم و ممكن هو الوحيد 😧 المرض شائع ؟ اي نعم بالحسابات الطبيه جدا شائع و يصيب 1 من كل 100 شخص تقريبا 😢 ابني صار عنده اسهال و الطبيب منع منه الحنطه 3 اشهر و تحسن و رجعت انطيته حنطه و ماكو شي شنو رايك ؟ ابنك ما كان حساسيه حنطه و لا تسميها حساسيه حنطه هذا يسموه عدم تحمل Gluten intolerance 😍 زين دكتور شون يشخص داء الحنطه؟ تحليل دم ممكن يكشفه بس شويه التحليل ممكن غالي 😨 دكتور سويت تحليل دم و طلع ما بيه شي و الدكتور حولني على ناظور ليش؟ اي أمي احسن و أدق طريقة للتشخيص هو الناظور والظاهر علامات ابنك لداء الحنطه قوية 😢 زين دكتور ابني عنده قصر قامة و جيتك و شخصته داء حنطه بالتحليل شوكت ارجع انطيه حنطه ؟ مع الاسف امي من يطلع عنده داء حنطه ما ممكن أبد يرجع 😢 هاي شنو الحجي دكتور ابن خالتي كان عنده داء حنطه بالتحليل و بعدين الدكتور منعه من الحنطه و بعدين الدكتور سواله تحليل و هسه ما بيه ؟ اي امي التحليل هو للاجسام المضادة لداء الحنطه يعني من ابنك ما يأكل حنطه ما راح يصيرله جسم مضاد فيطلع ما بيه شي و هذا أكبر خطأ يوقعون بيه أمهاتنا 😒 دكتور ممكن قائمه الاغذيه ؟ بسيطه جدا اي شي بيه حنطه و شعير و شوفان ممنوع منه 😱زين دكتور يصير انطيه شويه بس بسكتايه؟ لا امي شايفه ذرة الطحين ؟ إذا أخذ ذرة طحين هاي الذره ممكن تسوي تحسس بكل امعاء ابنك 😧 اكو طريقه وقايه؟ لا اكو علاج آخر عدا المنع من الاكلات اللي بيها كلوتين؟ لا بس اكيد يتعالجن المشاكل اللي سوتها مثلا فقر الدم او نقص فيتامين دي 😴 اكدر اروح اسوي التحليل بلا ما أمر للطبيب مثل داء الباقلاء اللي كلتلنا عليه البارحه ؟ لا هذا المرض يشخص من قبل الطبيب فقط فقط فقط و هو يدزك ع التحليل 😧 زين دكتور كولي شنو التحليل؟ لا امي اكو هوااااايه تحاليل لهذا المرض و طبيبك فقط يحدد ياهو الأهم بالنسبه لأبنك ممكن حتى ناظور 😎 زين دكتور ابني عنده داء الحنطه و أني ما اكدر امنعه؟ شي يرجعلك امي صحه ابنك شي يخصك بس تعرفين شنو المضاعفات اذا استمريتي؟ 😲لا دكتور شنو المضاعفات؟ ممكن جدا انه يتأخر بالبلوغ أو ما يصير عنده بلوغ و لا يطول و بالنسبه للإناث ممكن حتى ياثر على فرصها بالحمل و الانجاب 😢سهله هاي المضاعفات دكتور بس هاي ؟ ما اريد اخوفك بس بصراحه اذا ابنك تشخص بداء الحنطه و انت استمريتي بإعطاؤه الحنطه ابنك يكون معرض للإصابة بسرطان العقد اللمفاويه أكثر ب 30 مره من الشخص الطبيعي 😁آخر سؤال دكتور ابني سويتله ناظور و طلع عنده داء حنطه ما يطيب ؟ يؤسفني اخبارك انه لا ما يطيب 😧 و لاحتى من يكبر ؟ اي نعم و لا حتى من يكبر د. سيف سمير البياتي اخصائي طب الاطفال .

😃 هلو دكتور يعني شنو داء الحنطه؟
داء الحنطه هو تحسس الأمعاء لمادة موجوده بالحنطه و الشعير و الشوفان اللي هي اسمها الكلوتين
هذه الماده من يصير تحسس الها تصير الأمعاء ضبط مثل البوري كلشي يدخل بيها يطلع مباشرة و ما يصير أو يقل امتصاص المواد الغذائية الضرورية فيصير عند المريض فقر دم و نقص وزن و نقص فيتامين دي
😲 زين دكتور شنو الاعراض ؟
قائمه طويله من الأعراض و مو مثل ما متخيله بس اسهال أو امساك أو انتفاخ أو الم بطن
ممكن يجي ابنك بس قصر قامة
أو ممكن يجي بس وزنه مو طبيعي
فقدان الشهيه ممكن
و حتى تسوس الأسنان
أو فقر دم ما يستجيب للعلاج
يعني قائمه طويله ما أنصحك تكولين هاي أعراض ابني إذن هو داء الحنطه لأن بس الطبيب يكدر يشك بهذا المرض و يدزك التحاليل
😧 المرض وراثي؟
لا مو وراثي بس يصير بعوائل أكثر من غير عوائل يعني ممكن بالبيت إخوان اثنين بيهم و ممكن هو الوحيد
😧 المرض شائع ؟
اي نعم بالحسابات الطبيه جدا شائع و يصيب 1 من كل 100 شخص تقريبا
😢 ابني صار عنده اسهال و الطبيب منع منه الحنطه 3 اشهر و تحسن و رجعت انطيته حنطه و ماكو شي شنو رايك ؟
ابنك ما كان حساسيه حنطه و لا تسميها حساسيه حنطه هذا يسموه عدم تحمل
Gluten intolerance
😍 زين دكتور شون يشخص داء الحنطه؟
تحليل دم ممكن يكشفه بس شويه التحليل ممكن غالي
😨 دكتور سويت تحليل دم و طلع ما بيه شي و الدكتور حولني على ناظور ليش؟
اي أمي احسن و أدق طريقة للتشخيص هو الناظور والظاهر علامات ابنك لداء الحنطه قوية
😢 زين دكتور ابني عنده قصر قامة و جيتك و شخصته داء حنطه بالتحليل شوكت ارجع انطيه حنطه ؟
مع الاسف امي من يطلع عنده داء حنطه ما ممكن أبد يرجع
😢 هاي شنو الحجي دكتور ابن خالتي كان عنده داء حنطه بالتحليل و بعدين الدكتور منعه من الحنطه و بعدين الدكتور سواله تحليل و هسه ما بيه ؟
اي امي التحليل هو للاجسام المضادة لداء الحنطه يعني من ابنك ما يأكل حنطه ما راح يصيرله جسم مضاد فيطلع ما بيه شي و هذا أكبر خطأ يوقعون بيه أمهاتنا
😒 دكتور ممكن قائمه الاغذيه ؟
بسيطه جدا اي شي بيه حنطه و شعير و شوفان ممنوع منه
😱زين دكتور يصير انطيه شويه بس بسكتايه؟
لا امي شايفه ذرة الطحين ؟
إذا أخذ ذرة طحين هاي الذره ممكن تسوي تحسس بكل امعاء ابنك
😧 اكو طريقه وقايه؟
لا
اكو علاج آخر عدا المنع من الاكلات اللي بيها كلوتين؟
لا
بس اكيد يتعالجن المشاكل اللي سوتها مثلا فقر الدم او نقص فيتامين دي
😴 اكدر اروح اسوي التحليل بلا ما أمر للطبيب مثل داء الباقلاء اللي كلتلنا عليه البارحه ؟
لا هذا المرض يشخص من قبل الطبيب فقط فقط فقط و هو يدزك ع التحليل
😧 زين دكتور كولي شنو التحليل؟
لا امي اكو هوااااايه تحاليل لهذا المرض و طبيبك فقط يحدد ياهو الأهم بالنسبه لأبنك ممكن حتى ناظور
😎 زين دكتور ابني عنده داء الحنطه و أني ما اكدر امنعه؟
شي يرجعلك امي صحه ابنك شي يخصك بس تعرفين شنو المضاعفات اذا استمريتي؟
😲لا دكتور شنو المضاعفات؟
ممكن جدا انه يتأخر بالبلوغ أو ما يصير عنده بلوغ و لا يطول و بالنسبه للإناث ممكن حتى ياثر على فرصها بالحمل و الانجاب
😢سهله هاي المضاعفات دكتور بس هاي ؟
ما اريد اخوفك بس بصراحه اذا ابنك تشخص بداء الحنطه و انت استمريتي بإعطاؤه الحنطه
ابنك يكون معرض للإصابة بسرطان العقد اللمفاويه أكثر ب 30 مره من الشخص الطبيعي
😁آخر سؤال دكتور ابني سويتله ناظور و طلع عنده داء حنطه ما يطيب ؟
يؤسفني اخبارك انه لا ما يطيب
😧 و لاحتى من يكبر ؟
اي نعم و لا حتى من يكبر
د. سيف سمير البياتي اخصائي طب الاطفال
.

😃 هلو دكتور يعني شنو داء الحنطه؟ داء الحنطه هو تحسس الأمعاء لمادة موجوده بالحنطه و الشعير و الشوفان اللي هي اسمها الكلوتين هذه الماده من يصير تحسس الها تصير الأ…