عادي كل طفل وطبيعة جسمه!
🛑الطفل الي كل خد نص كيلو ومربرب ومدنفش.. مو شرط أمه مهتمه بأكله!
ولا هو الحالة المثالية الي لازم يوصلها كل الأطفال!
ممكن جدا من الإهمال ، وكاضيها حلويات .
او ممكن مستخدميله كورتزون ومنفوخ نفخ!!
وممكن جدا هو جسمه هيج وصحته زينه، كل طفل وميزاته
🛑الطفله الي شعرها كيرلي وكله محابس.. مو معناها ماعدهم مشط ومو لازم نشده باقوى قوة بحيث نهلسه هلس ونأذي راس الطفلة
تبقى حلوة سواء كيرلي وسواء سرح
ويبقى هو طفل،
والطفل (الطبيعي) بسرعه يخربط نفسه حتى لو رتبوه
🛑الطفل الي بشرتة لونها اسمر ، مو معناها نكول عليه يا هاي عليمن طالع!! تره كلنا اصلنا لون بشرتنا اسود ! وعادي هو طالع من أهله ! (ابنكم وبنتكم)
🛑الطفل الي ملامحه مميزة وميشبه ” المعايير العالميه لعارضين الازياء” ممحتاج تقيمك ! ولا احد طلب رئيك حتى تكول شو محلو! عفنا الحلا الك 😉
#احتفظ_برئيك_لنفسك_لو_سمحت
#لا_للتنمر
#الطفل_ملاك
د.اسماء اسماعيل البدري