كلنا نشتغل و كلنا مشغولين و كلنا نتعب
و من نسأل ليش هيجي نسوي ؟
الجواب يكون : نشتغل علمود جهالنا
بس من تسال جهالنا كلهم يفتقدونا
اي اشتغل و اعمل و حقق نفسك لأجل اطفالك طبعا
بس حقق الإنجاز و انت متواصل وياهم
حقق الانجاز و صحتهم النفسيه باتم وجه
اشتغل و حبهم صح
اعمل ليل نهار بس حس بمشاعرهم
سافر و اشتغل بس اهتم بيهم
اعرف اباء يسافرون لغير دول يشتغلون حتى يحققون لاولادهم الأهداف
و اعرف يشتغلون وجبتين صبح و عصر و ليل
بس تحس الاطفال شبعانين من اهلهم
امهاتنا كذلك مو بس الآباء
تشتغل ليل نهار بالبيت و ما حاضنه بنتها المراهقه و لا حاسه بيها و لا بمشاكلها
اشتغلوا و حققوا نفسكم و حققوا لعوائلكم بس لا تنسون الأهم من هذا كله ( احتياجهم العاطفي و النفسي الكم )
هذا اهم من اللعابه اللي اشتريتها ب ٥٠ الف
و اهم كثيرا من السياره اللي على الباتري اللي سعرها ٥٠٠ الف
د. سيف سمير البياتي اخصائي طب الاطفال
from د. سيف سمير البياتي