الناس الي متعاملين ويايه يعرفون قليل اتعصب او اكون مو مبتسمة😓تعرفون واحد شوكت المفروض يزعل صدك ويحرك اعصابه ؟من الشي الي ضجت علموده بي تهديد حياة او خسارة لشي مصيري
اي هيج رح نكدر نواجه الحياة وننظر بنظرة تفاؤلية لان الحياة اصعب من ان تصعبوها على نفسكم
تجي مريضة منهارة وحارگة البيت والعائلة كلها لان مثلا طلعت حامل وعدها بس طفل او طفلين☹️وتريد اسقاط او تجي وحدة مديصير عدها والدنيا محروكة وهي عدها مناك اربعة🥲
زين ليش مننظر لكل نعمة الله نطاها وليش منفكر اختيارات رب العالمين اكيد اعدل واحكم وارحم من اختياراتنا
مريضة عندي طلعت حامل ببنت وعدها مناك اربعة راحت اخذت حبوب اسقاط وجان ماتت الا شوية بس حتى لتجيب الخامسة زين ليش هيج
مريضة اصرت تموت ولا تروح للمستشفى تجيب وفعلا جابت ونزفت يم جدة ووصلتنا متوفية وهي ام لخمسة اطفال 😓😓😓
هذا البوست اذا اكتبلكم بي عالقصص الي اشوفها بالعيادة يخلص گلبكم
ارضو بالحياة بحلوها ومرها ماكو شي دوم حلو او دوم مر
والارزاق مو بس فلوس او شي نريده ومديصير لا الارزاق موجودة ومتنعمين بيها بلا مننتبه ومن لاسامح الله نفقدها نحس بقيمتها
تصبحون على خير
د رحاب مجيد شريف
اخصائية نسائية وتوليد
from د. سيف سمير البياتي