سهره اليوم مع صدمه ذكرني بيها الرسم
احجيلكم من الواقع بعض القصص الغير معقوله عن السمنه و ولع الامهات و الاباء بيها
🌻 نبدي باكثرها شيوعا
و هي اعطاء الحليب الرقم 3 او حليب الاكياس او النيدو لاطفال عمرهم اقل من سنه حتى ينشنش الطفل و النتيجه ؟
تسلخ امعاء و اسهال مزمن و فقر دم شديد
🌻 ام من الامهات كانت تنطي دكسون للطفل على مدى شهر و هو عمره شهرين الا ان وصل في حاله فشل نمو و فشل غده كظريه و السبب لان تحب الطفل عنده خدود
🌻 طفلتان جميلتان عدهم سمنه
من ضمن روتين الفحص عند الاطفال البدينين انه اشوف ضغطهم
فطبعا الضغط صاعد
اني ما اتفاجئت
اكيد تعرفون انه السمنه عند الاطفال ترفع الضغط مو ؟
المهم سالت عن الادويه و طلعت العلاكه عباره عن مشهيات مشهيات مشهيات
زين امي البنات عدهن سمنه ليش تنطين مشهي لشخص سمين
يعني انت سمينه ليش ما تاخذين مشهي ؟
مو ما ياكلن دكتور و مكضياتها بس بيبسي و جكليت و نساتل
زين يا امي الجكليت و النساتل و البيبسي مو اكل لو شنو يعتبر !
المهم ما اعرف و الله خطيه اخبار ذني البنات لان هي كانت جايه حتى اكتب مشهي و اصعد وزنهن و يطك ضغطهن اكثر و اكثر
🌻 طفل بدين بشكل فاني كلتله هاي ليش هيجي دبدوب
الام راسا دكتور اسم الله منينله سمين !
يمه مدا احسده دا انبهه على وزنه
الطفل عمره ١٢ سنه و عنده ربو كال دكتور تره امي تنطيني مشهي و اسمن
🌻 ام تنطي لطفلها و عمره ٤٠ يوم مميه بيبسي حتى يسمن
🌻 جديات مو كل ام هي ام و تستحق تكون ام
هوس الامهات بكروش الابناء لازم توضعيله حد
اذا حسيتي نفسك مهووسه بكرش اولادك و سمنهم و اكلهم روحي اقري كتاب اطلعي اشغلي نفسك بشي اخر عدا الاساءه لجسد طفلك فهو امانه عندك
د. سيف سمير البياتي اخصائي طب الاطفال
from د. سيف سمير البياتي