التدخين عند الحوامل
ظاهرة للاسف منتشرة عدنه هالايام
بغض النظر عن الموضوع اجتماعيا لان احنه مو بموقع الحكم عالناس
بس انت كأم جسمج امانة عندج لازم تصوني وتحمي من كلشي لما تكملين عائلتج
ننام زين ناكل اكل صحي ونبتعد عن العادات السيئة الي تاثيرها مباشر عالخصوبة
التدخين ومن ضمنه النرگيلة تاثيرها عالخصوبة مباشر وسئ جدا للزوج والزوجة يجي الزوج يكول مياثر مو فلان يدخن باكيتين وعنده دستة جهال
اي بس هو الكل محظوظ مثل فلان
التدخين ياثر على حركة الحيامن وقوتها بالاخصاب ووالي يكون مدخن بغير دول يستبعد من اطفال الانابيب لان بي نسبة فشل اعلى وميردون تحسب عليهم فلازم يكون تارك التدخين ٣ اشهر اقل شي.
انت ك امرأة مدخنة نسبة الاباضة اقل نسبة حدوث حمل اقل نسبة غرز الجنين بالرحم اقل وزيادة عدد الاسقاطات
التدخين يشمل الجگاير والنرگيلة الي منتشرة كلش هالايام
يعني لازم تحطون ببالكم تبتعدون قدر الامكان عن هذي العادة السيئة
الحامل وتدخن😣😣😣
اووووف انت يا عزيزتي تحملين بداخلك جنين امانة برگبتج وتاثير التدخين عالجنين رح يبقى گلال عينج طول العمر
بدون ان نذكر تاثيره عليج وكت الولادة او التخدير اذا قيصرية ونسبة التهاب الجرح بعدها بسبب التدخين
قللي او بطلي لطفا
السلامة للجميع
.
.
.
د رحاب مجيد
https://www.facebook.com/Dr.Rihabmajeed
from د. سيف سمير البياتي