اي احجيلي اليوم كم مره كلتي ابني ما ياكل ؟ كم مره جبرتيه على الاكل؟ و كم مره غصبيته؟ من اشهر و اقدم التساؤلات اللي تكولها كل الامهات ابني ما ياكل و اكو اللي تضرب و اكو اللي يتعاركون و اكو اللي توصل للطلاق من ورا طفل صغير ما ياكل ؟ هالمره راح اجي وياك و افتح عقلي و قلبي لك و احاورك بهدوء و انت جاوبي على الاسئله : 1. انت تاكلين كل الاكلات ؟ انت ابو شوارب تاكل مركه شجر ؟ و انت تاكلين باجه و ممبار ؟ كل الاكل تاكلوه ؟ 2. لو خيروك بين اكله بمطعم و اكله بالبيت تختارين اكل البيت لو اكل المطعم؟ 3. اول شي من تشوفين اكل و تنبهرين بيه هو مو تكولين شون ترتيب ؟ 4. اول ما تكعدين من النوم تاكلين ؟ و مزاجك فايق 24 ساعه باليوم و شهيتك ثابته على مدار السنه و الفصول؟ 5. اذا شربتي حليب او عصير او نستله او جبس راح يعجبك تاكل ؟ 6. تحبين احد يفتح فمك غصبا و يخلي الطعام بفمك عادي تقبلين؟ زين هو ليش عليه ليش لازم يرضع بتوقيت او ياكل بتوقيت و ياكل من الصبح و يشرب عصير و بعدين ياكل الغداء ! اي اكل المطعم اطيب من اكل البيت و نستله و جبس اطيب من مركه الشجر و البيتنجان اللي مسويتها انت و اي عصير اسهل مما ياكل طبق الرز اللي بيه كشمش مدري ليش ! تعالوا نتفق اولا حتى ياكلون اولادكم 1. ماكو شي اسمه غصب ماكو شي اسمه ضرب ماكو شي اسمه عركه احترمي شهيته ما عاجبه ياكل ما عاجبه يرضع عادي العبي وياه و هو ياكل و انطيه طعامه و هو يلعب يعني مو الا كلاكيع الاتكيت مو صح ؟ 2. نوعي الاكل شويه يوميه بيض و بنفس الطريقه و بنفس المقلاه و بنفس الصحن الوردي اللي رايح لونه جربي بيض بالطماطه او بيض بالبطاطا ابدعي لو هو بس تتفرجين قنوات الطبخ و العشا يكون صوصج بنهايه اليوم؟ 💖 ما حب الحليب انطيه لبن ما حب البيض سوي معجنات غنيه بالبيض الاولاد ملوا من الفواكه و قل تناولهم الها امهم سوت الهم لعبه بالفواكه و خلصوها كلها حتى الفواكه اللي ما يحبوها اكلوها ! ❤ اهم من كلهن لا تحجين بالموضوع لا تظلين تناقشين و تلحين ليش الولد ما ياكل ما يعجبه ما يريد اكلك ما طيب طريقه تقديمك للاكل مو لطيفه عنده ذكرى سيئه عن كل مره جبرتيه بيها على تناول الطعام و شبعان من النستله و الجبس و العصير نذكر بالاساسيات قطعه شوكولاته صغيره تسد شهيته يوم كامل مصاصه تشهد شهيته ٣ ايام العصير طبيعي او صناعي يسد شهيته باقي اليوم عيدي البوست من البدايه و احجيلي كم مره تعاركتي ويه طفلك اليوم لان ( ما ياكل ) د. سيف سمير البياتي اخصائي طب الاطفال #فقدان_الشهية

اي احجيلي اليوم كم مره كلتي ابني ما ياكل ؟
كم مره جبرتيه على الاكل؟
و كم مره غصبيته؟
من اشهر و اقدم التساؤلات اللي تكولها كل الامهات
ابني ما ياكل
و اكو اللي تضرب
و اكو اللي يتعاركون
و اكو اللي توصل للطلاق
من ورا طفل صغير ما ياكل ؟
هالمره راح اجي وياك و افتح عقلي و قلبي لك
و احاورك بهدوء
و انت جاوبي على الاسئله :
1. انت تاكلين كل الاكلات ؟ انت ابو شوارب تاكل مركه شجر ؟ و انت تاكلين باجه و ممبار ؟
كل الاكل تاكلوه ؟
2. لو خيروك بين اكله بمطعم و اكله بالبيت تختارين اكل البيت لو اكل المطعم؟
3. اول شي من تشوفين اكل و تنبهرين بيه هو مو تكولين شون ترتيب ؟
4. اول ما تكعدين من النوم تاكلين ؟ و مزاجك فايق 24 ساعه باليوم و شهيتك ثابته على مدار السنه و الفصول؟
5. اذا شربتي حليب او عصير او نستله او جبس راح يعجبك تاكل ؟
6. تحبين احد يفتح فمك غصبا و يخلي الطعام بفمك عادي تقبلين؟
زين هو ليش عليه
ليش لازم يرضع بتوقيت
او ياكل بتوقيت
و ياكل من الصبح
و يشرب عصير و بعدين ياكل الغداء !
اي اكل المطعم اطيب من اكل البيت
و نستله و جبس اطيب من مركه الشجر و البيتنجان اللي مسويتها انت
و اي عصير اسهل مما ياكل طبق الرز اللي بيه كشمش مدري ليش !
تعالوا نتفق اولا
حتى ياكلون اولادكم
1. ماكو شي اسمه غصب
ماكو شي اسمه ضرب
ماكو شي اسمه عركه
احترمي شهيته
ما عاجبه ياكل
ما عاجبه يرضع
عادي العبي وياه و هو ياكل و انطيه طعامه و هو يلعب
يعني مو الا كلاكيع الاتكيت مو صح ؟
2. نوعي الاكل شويه
يوميه بيض
و بنفس الطريقه
و بنفس المقلاه
و بنفس الصحن الوردي اللي رايح لونه
جربي بيض بالطماطه
او بيض بالبطاطا
ابدعي
لو هو بس تتفرجين قنوات الطبخ و العشا يكون صوصج بنهايه اليوم؟
💖 ما حب الحليب انطيه لبن
ما حب البيض سوي معجنات غنيه بالبيض
الاولاد ملوا من الفواكه و قل تناولهم الها امهم سوت الهم لعبه بالفواكه و خلصوها كلها حتى الفواكه اللي ما يحبوها اكلوها !
❤ اهم من كلهن لا تحجين بالموضوع
لا تظلين تناقشين و تلحين ليش الولد ما ياكل
ما يعجبه
ما يريد
اكلك ما طيب
طريقه تقديمك للاكل مو لطيفه
عنده ذكرى سيئه عن كل مره جبرتيه بيها على تناول الطعام
و شبعان من النستله و الجبس و العصير
نذكر بالاساسيات
قطعه شوكولاته صغيره تسد شهيته يوم كامل
مصاصه تشهد شهيته ٣ ايام
العصير طبيعي او صناعي يسد شهيته باقي اليوم
عيدي البوست من البدايه
و احجيلي
كم مره تعاركتي ويه طفلك اليوم لان ( ما ياكل )
د. سيف سمير البياتي اخصائي طب الاطفال
#فقدان_الشهية

from د. سيف سمير البياتي

اي احجيلي اليوم كم مره كلتي ابني ما ياكل ؟ كم مره جبرتيه على الاكل؟ و كم مره غصبيته؟ من اشهر و اقدم التساؤلات اللي تكولها كل الامهات ابني ما ياكل و اكو اللي تضر…