تتذكرون بوست ال (لانچ بوكس) او الوجبه اللي تدزوهه ويه اطفالكم للمدارس ..من قريت التعليقات على صفحتي وعلى صفحه د.سيف البياتي حسيت طعم حلاه بحلگي هلگد قريت بالتعليقات تنطوهم فلوس يشترون وتدزون وياهم علب عصير صناعي.. احلفكم بكل عزيز معقوله هالالحاح من عدنه كلنا الفريق الطبي بصفحه د.سيف وعلى صفحاتنا ان متنطون للاطفال عصائر وخصوصا صناعيه (مي شكر صبغ) معقوله نسيتوا التوصيات اللي نكتبها..تعرفون المفروض حتى العصير الطبيعي مو محبذ لأن تستخلصون السكريات من الفاكهه واحنه نريد الطفل يستفاد اكبر اكستفاده بأن ياكلها كامله ..طيب طفل ويشتهي عصير او شي يشربه استعملوا محضره الطعام او الخلاط واهرسوها بكاملها مثلا برتقال وموز او جزر او مثلا موز وشويه حليب وفانيلا قليل جدا ..اللي راح راح بس خل نبدي بدايه صح ويه السنه الدراسيه الجديده دزوا وياهم مثلا سندويج صغير وشويه زيتونات للتزيين وعصير طبيعي وشويه فواكه مقطعه ورتبوها الهم بشكل لطيف حتى يشتهوها ومايتذمرون عليكم ويعاندون ما ياكلون ويرجعون الوجبات … اهم شي ابتعدوا عن الاكل المصنع والسكريات المضافه
.
د.زينه البياتي/طبيبه تغذيه
www.tiktok.com/@zeenas.bayaty
https://www.facebook.com/zinaclini/
https://instagram.com/albayatyzina?igshid=1uvmggtlwokl8
#جمال
#تجميل
#تغذيه
#fitness
from د. سيف سمير البياتي