ملاحظات حول نظافه الرضع اول شهرين من العمر ؟
🦀 اكدر اغسل لطفلي يوميه ؟
لا
جلد الطفل رقيق و معرض للجفاف جدا فماكو اي داعي لغسله يوميا و انما بين يوم و يوم او كل يومين و الثالث
💖 اكدر اقص اظافره ؟
طبعا لان اكيد ممكن ياذي نفسه و ممكن جدا ياذيك
و تقصيهن من ينام و تسحبين الاظفر بعيدا عن الاصبع و تقصيه حتى لا يتاذى
🐞 شون اتعامل ويه طفح الحفاظات ؟
منزل بوست طويل عريض قبل يومين عن كيفيه التعامل مع طفح الحفاظات
🐘 اكدر استخدم اعواد تنظيف الاذن لتنظيف الاذن ؟
لا
ما يحتاج لاي شي
كل اللي يحتاجه بعد الحمام مجرد تنظيف الجزء الظاهر من الاذن
🌰 و العين شلون؟
القليل من الافرازات الصفراء على حافه العين طبيعيه و ما تحتاج اكثر من ماء دافيء
اذا الافرازات غزيره راجعي الطبيب
🦌استخدم المي لو الكلينس المرطب لو القطن و الماء ؟
الماء او القطن و الماء او قماش و ماء و اذا اكو كلينس مرطب خالي من الكحول فليش لا
عداها الكلينس المرطب اللي بيه كحول ما افضله لان جدا يجفف البشره
🦆 و الحبل السري يحتاج كحول؟
اني اكول لا كحول و لا شي فقط عرضيه للهواء و بس
اكو بلوزات و اوفرات بيها فتحه للسره ما اتصور موجوده ببغداد
المهم قدر الامكان طلعي الحبل السري مكشف و اتركيه مكشف و بس
و اهم شي ما يوصله ماء
اكبر خطا يوصل ماء للسره قبل ما يوكع الحبل السري
😲 احتاج اغسل ايدي ؟
الكثير الكثير الكثير من غسل اليدين مطلوب
😁 اكدر ابوس الطفل ؟
الجهاز المناعي بعده ما مكتمل افضل تاجيل الموضوع لما بعد
د. سيف سمير البياتي
اخصائي طب الأطفال
from د. سيف سمير البياتي