ارتفاع دهنيات الدم
هوايه نسمع هالمصطلح
شنو اسبابه
شنو خطورته
شلون نتجنبه
شلون نعالجه
اغلبنا مسوين هالتحليل المختبري ونعرف او سامعين عن الكولسترول والدهون الثلاثيه والمتحوله
الكولسترول بي نوعين
نوع مفيد HDL
والاخر ضار LDL
لذلك بفحص الدهون لازم نعرف اي كولسرول واي دهون هي المرتفعه
يجوز اغلبكم لأن اعماركم مو كبيره مايهمكم هالموضوع بس خلوا ببالكم من عمر عشرين سنه فما فوق المفروض كل سته اشهر الى سنه تسوون هذا التحليل واذا كان اكو شي مو طبيعي لازم تلگوله حل بأن مثلا تستخدموت دهون صحيه غير مهدره بالطبخ،تلعبون رياضه، اللي يدخن لازم يترك التدخين لان مدخن ودهون عاليه كلش احتمال كبير يصبر عنده نوبات قلبيه او جلطه دماغيه حتى لو عمره صغير وشفناهه شباب اعمارهم اقل من ٢٥ احتاجوا حتى قسطره بسبب الجلطه القلبيه
غالبا الاعمار الصغيره الشباب مانوصفلهم ادويه للدهون العاليه ونلجأ ان ننزل وزنهم وننطيهم تمارين ونعلمهم شيستهلكون انواع دهون حتى ترفعلهم الدهون النافعه وتقلل الدهون الضاره
احيانا حالات ارتفاع الدهنيات تكون وراثيه وهنا فرص الاصابه بالامراض والنوبات القلبيه تكون كلش عاليه وخطره وتحتاج متابعه مستمره وعلاج طبي وميصير تنهمل ابدا
لاتتركون هالموضوع ولا تهملوه سووا التحاليل خصوصا اذا عندكم اصابات عند الاقارب من الدرجه الاولى والثانيه او كنتوا تدخنون او حياتكم مو نشيطه وما تلعبون رياضه او معرضين دائما للشد والتعب النفسي
د.زينه البياتي
طبيبه التغذيه
https://www.facebook.com/zinaclini/
https://instagram.com/albayatyzina?igshid=1uvmggtlwokl8
from د. سيف سمير البياتي