البارحة اجاني طفل عمره 9 او 10 سنوات
مدخن شره
امه تگول يدخن باكيتين او باكيت ونص باليوم ،، گتلها خالة ليش تقبلين گالت ما اگدرله ، گتلها شنو ابو ما موجود ؟
گالت لا هو يشجعه يگله من شفتك تدخن حسيتك زلمة !!!
وجديته بغير محافظة تگله شلون جبتلك هدية باكيت جگاير جديد من تجي يمي انطيكيا !!!
هذا موقف حصل مع احد الزملاء
اما اني فيوميا اشوف ما أكدر امنعه من الجبس
ما أكدر امنعه من النستله
انطيني طريقه امنعه من الجكليت
و راح نستمر إلى أن نوصل إلى انطيني طريقه امنعه من القمار و من المخدرات
استمروا بتخريب الجيل القادم علمود يبقى راسكم بارد و استمروا جهالكم يتحكمون بيكم و انتوا فرحانين لما نوصل لباكيت الجكاير و المخدرات عود فكروا شون تمنعوهن
د. سيف سمير البياتي اخصائي طب الاطفال
from د. سيف سمير البياتي