هذا البوست يحجي عن الاطفال اللي ما ياكلون الا اكلات محدوده او اللي يسموهم بالانكليزي
Picky
يعني انتقائيين بالاكل
و ما ياكل الا اكلات معينه محدوده
راح اكتب كم نقطه عن الموضوع
🔵 اولا احترام شهيه الطفل
دائما تذكري نفسك
انه مو كلنا نحب كل الاكلات
مالها اي داعي حركات العياط و الصياح و الطاقه السلبيه
و حركات توم جيري مال تركضين وره الطفل بالماعون
انت دا تربطين الاكل بطاقه سلبيه هائله
و يوتره اكثر ما التجربه متوتره
🔵 احترام التوقيتات ٣ وجبات و ٢ الى ٣ بين وجبات
ما قبل ياكل
خلص شيلي الاكل
لما يطلب اكل كولي اوكي بالوقت الجاي
ماكو اكل شوكت ما يعجبه
♥️ الصبر مفتاح الفرج انتظري
اصبري و انت تقدمين وجبه جديده
لا هاك اكل شوف شكد طيب
انطيه الاكله خليه يستكشفها يلمسها يتذوقها
ما عجبته قدميها بطريقة اخرى الطف
🛑 طابخه اليوم اكله ما يحبها
لا تطبخين مخصوص اله
بس خليه يكعد وياكم على الاكل
ماكو شي اسمه طبخ منفصل
هذا الموجود
بس بدون عصبيه
اكيد اذا طابخه اكل متنوع فيا ريت حتى ياكل اللي يحبه
بس اذا بس هذا الموجود خليه كاعد على الطاوله
⚪ المشاركه تعزز الاستكشاف عدهم
خليه يساعدك بالطبخ و الاعداد
خليه يساعدك بالتسوق
و حتى تحضير طاوله الطعام
🔵 دائما الاكل هي تجربه ممتعه و جيبي الوان مختلفه و صحون ملونة و اكواب لطيفه و شوكات طفوليه
شويه غيري الالوان و طريقه التقديم
🔴 الام تشرب بيبسي
و تريد من الطفل يشرب ماء او لبن مع الاكل
#شني_هاي
انطي دائما طاقه ايجابيه للطفل
خليك مثل و قدوه
اختاري الاكل الصحي دائما
🌏 ابدا لا تستخدمين الحلويات كمكافئه
هذه تنطي رساله للمخ انه بس الحلويات طيبه و بس الحلويات جيده
ما اكولك اكطعيها
بس مره بالاسبوع كلش كافي
و اكثر من كافي
♾ طلعي منال العالم اللي بداخلك
ما يحب البيض ؟
سوي كيك و ضيفي بيض
ما يحب اللحم
سوي لحم بعجين
ما اعرف شون يطبخون اكيد
بس اعرف انه اكو ابداع بالاكل و طريقه التقديم تفرق
🔴 لا و الف لا للاكل الجاهز من البدايه
حتى السريلاك و الفواكه الجاهزه
اوكي مره او مرتين بالاسبوع
بس لا يوميا
ابداع المطبخ ضروري
و اضافه الخضراوات ضروريه
تقديم الفواكه ضروري
🛑 مو تنسين القاعده العامه
العصير سيء
سواء طبيعي او صناعي
لان راح يسد شهيته
انطيه الفواكه باليافها
شكرا ما نريد نتعبك
قللي العصير الى مره اسبوعيا
و بس
د. سيف سمير البياتي
اخصائي طب الاطفال
from د. سيف سمير البياتي