الأم اول ما تولد جديد و بالأخص الأم لأول مره تسمع عشرات النصائح و المشكله انه هذه النصائح تكون وحده عكس الاخرى تماما
ثخني الحليب .
لا خففي الحليب
لا تنطين حليب
انطي مي و شكر
و كل اللي حوالين الأم يحاولون يفهموها بطريقه ما انه هي الأم ما تفتهم و ما تعرف تتعامل ويه الطفل
اعرف طبعا انه الكثير من الأمهات ما عدهم خبره بهذا المخلوق الجديد بس اللي يصير كلش مبالغ بيه من ناحيه النصائح و فوكاها هرمونات ولاده متخربطه و تعب الولاده و النزف و الرضاعه و الم تشقق الحلمه و و و .
تعرفون شنو محتاجه الام؟
الأم محتاجه فقط تهدون اللعب عليها
و تتركوها تتعلم قليلا
و طبعا اكيد ما ننصحها هوايه
و ما نلح بالنصائح و بالأخص اذا هي ما طلبت
كل اللي عليكم تساعدوها و تحضنوها و تنطوها الكثير من الثقه و التشجيع و بس
د. سيف سمير البياتي اخصائي طب الاطفال
from د. سيف سمير البياتي