انت حامل وعندج بالبيت حيوان اليف شتسوين؟
ماكو شي اسمه طلعي من البيت وهذا يسوي تشوهات والكآبة والاساطير الي اسمعها من مريضاتي الي داخلين رعب وجايين شنو الحل
ببساطة شديدة اذا كان اكرمكم الله قطة او كلب كلهم اذا انتو متابعين ويا طبيب بيطري ماخذين لقاحاتهم تمام ومو من النوع الي يطلعون ويا حيوانات الشارع اذن ماكو اي خوف وقلق منهم اطلاقا
كل الي عليج وانت حامل تتجنبين تنظيف الفضلات وتغير صندوق الرمل الهم لان ممكن ان تكون ايدج مجروحة او مخدوشة وتدخل الطفيليات من البراز للدم
وهذا ينطبق على العناية بالنباتات وتبديل التربة او اضافة السماد الحيواني لان بي فضلات حيوانات المفروض الحامل تتجنبه نفس الشي للطيور طبعا
وبس خلص 🙂بزوناتكم وكلابكم مو مؤذين بالعكس روح حلوة وطاقة للبيت
موتشي و آش قططي الي اموت عليهم وكانو عدنه من قبل حملي الاخير ❤️😊
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي