شوكت أكدر انطي الجبنة لطفلي ؟
ادخال وجبات الطعام رغم انه كاتب عن مفردات كثيره بالصفحه بس يفوتني الكثير لاختلاف الأصناف
هنا راح نناقش موضوع الجبنه و متى يتم إدخالها ضمن طعام الطفل
❤ الجمعيه الامريكيه لطب الأطفال نزلت ترخيص يخص الجبنه انه ممكن إدخالها بعمر ٩ اشهر
❤ مركز السيطره على الأمراض الامريكي يكول انه ممكن إدخال الجبنه بعمر ٧ إلى ٨ أشهر
❤ شنو نوعيه الجبنه ؟
اول شي ان تكون كامله الدسم مو قليله الدسم او منزوعة الدسم
ثاني شي هو أن تكون الجبنه مبستره و من مصانع ثقه و عالميه او محليه مضمونه بنظافتها
🌷 شنو نوعيه الجبنه المفضله ؟
خيارات الجبنه متنوعه فاي جبنه ممكن برشها هي مناسبه مثل جبنه الشدر الخفيفه او البارميزان او الموزريلا
خيارات أخرى مثل الجبنه الكريميه او جبن الحلوم ( جبن القريش ) او الجبن الحلو
❌ تحذيرات معينه ؟
خطر الاختناق ممكن مع الجبنه القاسيه لذلك خليك مع انواع الجبنه اللي ممكن تقطيعها او اذابتها
ابتعد عن جبن الفته و الجبنه الزرقاء اللي تتخمر باستخدام الفطريات فهي خطره على الاطفال الصغار
❤ اول نوعيه جبنه للطفل ؟
اختار اي نوعيه ممكن اعطاؤها بالملعقه مثل جبنه القريش او جبنه الحلو او جبنه كريميه
و بعدين من يكبر ابدي انطيه اي نوعيه جبن ممكن تتقطع و تتقدم كخيوط
❤ مشاكل الجبنه؟
ممكن يسوي تحسس طبعا لان مصنوع من الحليب البقري
ممكن يسوي اسهال اذا الشخص عنده حساسيه لاكتوز
الجبن مثله مثل الحليب يسبب امساك
دمتم بصحه و ود
و تصبحون على خير
د. سيف سمير البياتي اخصائي طب الاطفال
from د. سيف سمير البياتي