تعالي اعلمك فد شغله
ناديتي على محمد يا محمد ما جاوب
عدتي المحاوله ثاني يا محمد ما جاوب
عدتي المحاوله مره ثالثه يا محمد ما جاوب
هنا شنو راح تسوين ؟
راح تصيحين بأعلى صوتك يا محمممممممممممد
محمد راح يفز و يجي و يسوي شنو راح تطلبيه منه
بس تاكدي بالمره الثانيه محمد ما يجي الا بالصيحه اياها!
لا تعوديه على الصياح و العياط و الصوت العالي
لان ببساطه راح يستمر على هذا المنهاج
لعد شاسوي ؟
بكيفك إما تاخذين اللي شاغله منك
او روحي امسكي وجهه و كوليله ليش ما تسمعني مو دا اصيحك
او كوليله حبيبي مره ثانيه اصيحك و ما تجاوب راح اسحب اللي شاغلك من ايدك لمده اسبوع
التلفزيون اسده اسبوع
التلفون ينسحب
اللعبه تنشال
بس اهم شي بدون صياح و توتر
لا تعلمين اطفالك على الصياح و العياط ابدا لان النتيجه ما راح تقبل تكون الا ان تكون وحده من ثلاثه
إما:
😒 يتعود على الصياح و العياط و تكضين حياتك تعيطين و تصيحين
😒 او راح يصير مثلك يعيط و يصيح و راح يصير عصبي و بعدين تكولين هاي ليش طالع عصبي الولد
😒 او ما راح يهتم و يصير بليد و لا ابالي حتى يوترك اكثر و اكثر و اكثر
و انت بيدك الحل
د. سيف سمير البياتي اخصائي طب الاطفال
from د. سيف سمير البياتي