ضرب الطفل لرأسه أو لنفسه: سياق السلوك ومتابعة التطور

ابني او بنتي يضرب نفسه !!
ليش و شوكت و شون؟
ضرب الطفل لنفسه ممكن الام الجديده ترتعب منه و حتى الام اللي عدها اطفال مسبقا
من تشوف طفلها يضرب راسه
بس الموضوع جدا شائع
مو بس شائع
جدا شائع
بحيث ربع الاطفال يضربون نفسهم في فتره من فترات عمرهم
اهم سبب بيهن هو الغضب !!
او الطفل ضايج او متضايق من شي
او من ما يعرف يعبر عن رايه
امهاتنا يكولن يريد يحجي 🙄
هو ممكن يكونن محقات لان فعلا مدا يعرف يعبر عن نفسه فيريد يحجي
.
.
سبب مهم اخر هو التسنين
شايفه من شي بجسمك ياذيك فشتسوين ؟
ترحين تتفرجين تلفزيون او شي بلكي تنسيه
هو هم نفس الشي
التسنين مؤلم جدا
التهاب الاذن سبب اخر
.
.
وحده من الاسباب الاخرى انه يكفش نفسه قبل ما ينام
او يفر براسه قبل ما ينام
احيانا يدك راسه ع السرير قبل ما ينام
هذه حركات تعلمها حتى ينام !!!
يسموها
Self soothe
يعني ينوم نفسه بنفسه
.
.
الى متى ممكن يستمر ؟
ممكن يستمر طويلا الى حد ال ٣ سنوات
يبدون مبكرا من عمر ٦ اشهر
و القمه بعمر سنه الى سنة و نصف
.
.
شنو نسوي ؟
اولا نتاكد ماكو شي مرضي مثل التهاب الاذن
او التسنين
ماكو شي ؟
نكمل للخطوه التاليه
نشوف ليش دا يضرب نفسه ؟
نعسان
جوعان
عصبي
يريد ينحضن
ضايج
اذا هيجي صار شنسوي ؟
الحل بالالهاء
لهيه باي شي
ضحكه لعبه غميضه
لا ننسى الحل السحري بالتربيه !
الاهمال
يعني لا نبالغ بالخوف و الحمايه و نتظاهر انه الموضوع مو مهم و انه احنا ما مهتمين للموضوع
لانه كلما نزيد اهتمامنا بموضوع انه يضرب نفسه
كلما يزيد الطفل يضرب نفسه
نفس الموضوع بالأكل
كلما تركضين ورا الطفل و تكولين كدامه ما ياكل هو راح يعاند و ما ياكل !!!
.
.
اخر ملاحظه اريد اثيرها انه اذا الطفل يضرب نفسه و متاخر بالتطور نحتاج الى الى استشاره طبيب الاطفال
التطور موجوده بوستات عنه كثيره بالصفحة
#baby_development
د. سيف سمير البياتي
اخصائي طب الاطفال

from د. سيف سمير البياتي