العام الماضي بمصر المحروسة صارت حاله تحرش و انتشرت على الفيس بوك المقطع و الفيديو و اللي ما احب اعيد نشره و اتمنى محد يشوفه لان يسيء للنفس البشرية
اريد ناخذ العبرة من اللي صار
و نتعلم شون نحمي اطفالنا من التحرش الجنسي
تعالوا نسرد وقائع و نتعلم منها
❤ الفيديو للي شافه يشرح كيف هو المتحرش بالاطفال دائما يكون
شخص ودود صديق للطفل
و يعرف الطفل جيدا
و الطفل يحب هذا الشخص
اغلب حالات التحرش تصير من الأقارب أو الجيران او الأصدقاء
لذلك راقب طفلك و راقب وين يروح و وين يرجع
و نعوف موضوع مثل أبوها مثل أخوها مثل ابن عمها على صفحه لطفا
❤ دائما فهم طفلك انه جسمه ما يحق لأحد يطخه و بالاخص المناطق الحساسه حتى يعرف جيدا كيف ينقلك الصورة
مو تخوفه
❤ البنات و حتى الاولاد
ما مسموح ابدا يكعدون بحضن احد كبير غير اهلهم القريبين
و البعيدين لا ممنوع و غير مسموح
❤ مره نزلت بوست انه لا تدغدغون أطفالكم جبرا
لا تبوسوهم جبرا
هيجي راح يفتهم انه اوكي واحد يكدر يبوسه او يحضنه جبرا
❤ الجهال بس يبدون يكبرون بلا حركات وضع الطفل بلا ملابس و فرحانين بيهم بدون ملابس
التبديل و تغيير الملابس يكون بالغرفة
حتى يعرف انه قلع الملابس ما يرهم و عيب كدام الاخرين
❤ الكبار الاب و الام
ممنوع تغيرون ملابسكم كدام الاطفال اذا عمرهم يعبر السنتين
لا تعودوهم على هذا المنظر ابدا
حتى يعرف انه مو لائق
❤ محد يغير الحفاظه لبنتك او ابنك غيرك طبعا بعد ما يعبر السنتين
❤ البنات بعد عمر ٦ سنوات حتى انت الام ما مسموحلك تكشفيهن الا اذا مرضى او محتاجه ضروري تشوفين المنطقه لفحص ما
❤ الطفل غير مسموحله ابدا يلعب باعضائه التناسليه
هذا عيب راسا يكون جوابك
بهاي الطريقه راح يعرف انه ممنوع الاخر يمسه
❤ الاطفال بحدود عمر المدارس ما تسمحولهم يلعبون ويه الاطفال الاكبر و اللي بعمر المدارس ما تسمحولهم يلعبون ويه الاكبر
كل طفل خليه يلعب ويه اطفال بنفس عمره
❤ عينك على الموبايل و على اللي يتصفحه طفلك خصوصا بعد كثره استخدام الاطفال للنت
❤ ماكو شي اسمه موبايل خاص و مغلق و طفلك مراهق
يكبر و يعبر ال ١٨ سنة و عود خلي يكون عنده موبايل خاص و باسورد و كلشي
❤ فهميه انه اذا تعرض للتحرش يصرخ و يعيط و يكولك
❤ اذا صار التحرش لأي سبب لا تلومين طفلك
اللوم على المتحرش وحده لا غير
د. سيف سمير البياتي اخصائي طب الاطفال
from د. سيف سمير البياتي