❤شوكت اكدر اخلي الطفل بكرسي السياره ؟
من اول يوم لان هو مخصص لنقل الطفل من المستشفى
.
.
❤ شوكت اكدر اخلي طفلي بحمالة الاطفال؟
على الرغم من ان بعض حمالات الاطفال امينه للطفل من الاسابيع الأولى الا انه تفضل أن يوضع بها الطفل لما يصلب راسه بحدود ٤ الى ٥ اشهر
.
.
❤ شوكت اخلي الطفل بالحجلة؟
الرأي الطبي هو ضد الحجله و كندا منعت استخدامها و الكثير من الدراسات اثبتت أنها تؤخر المشي
اما اذا كنت مصرة على استخدام الحجله فممكن من عمر ٦ الى ٨ اشهر
.
.
❤ شوكت اخلي الطفل بالنطاطه؟
هو الطفل يبدي ينط من عمر ٦ اشهر لذلك ماكو داعي يوضع بالنطاطه قبلها
.
.
❤ من اي عمر اكدر اخلي طفلي بجهاز النوم الهزاز ؟
من عمر يوم لغايه 6 اشهر
.
.
❤ من اي عمر اكدر ادفع طفلي بالعربه اللي يكون ظهرها عمودي او مائل ؟
من يكدر يصلب ظهره تقريبا بعمر ٣ الى ٤ اشهر
.
.
❤ من اي عمر اكدر ابدي اخلي طفلي بكرسي الطعام؟
من عمر 6 اشهر
د. سيف سمير البياتي اخصائي طب الاطفال
from د. سيف سمير البياتي