البنات و تربيه البنات في مجتمع شرقي من أصعب الأشياء اللي تواجه كل الاباء او هكذا أرى
البنات من البدايه نعلمهم
انه تغيير ملابسها ما يصير كدام ابوها و اخوها و اي ذكر بعد عمر السنتين
و اذا تبدل تسد الباب
و ما تطلع تشتري من المحل وحدها بعد عمر ٦ سنوات
و ان تلبس محتشم و تعرف شون تحتشم من البدايه و شون تكعد
و من المهم ان نعلمها شون تدير القناه من تطلع لقطه مو حلوه
و نفصلها بغرفه منفصله بس تبلغ
و نبدي نحجيلها عن التغييرات اللي راح تصير عدها بالمراهقه بس تعبر ال ٨ سنوات
نفهمها جيدا شون تتصرف اذا تعرضت لتعدي لفظي او تحرش
و نفهمها جيدا كيف تنسحب من حوار الصديقات اذا كان بيه ألفاظ بذيئه او خارجه او زائد ١٦
اني جدا مع حريه اللبس بس نعلم البنات على الحشمه من البدايه حتى ما تصعب المهمه بعدين
الله يحفظ بناتكم و بناتنا
د. سيف سمير البياتي اخصائي طب الاطفال
from د. سيف سمير البياتي