مخزون المبيض
من المشاكل الرئيسية الي تمنع الحمل هي قلة مخرون المبيض شنو يعني قلة المخزون؟ يعني المبيض بي بيوض اقل من الطبيعي مو البويضة الي جاهزة للتفقيس وانما البيوض الصغيرة الي بعدها مخزونة بالمبيض
شلون اعرف؟
🌟تحليل AMH في اي وقت ومو شرط اثناءالدورة الشهرية
🌟تحليلFSH ثاني او ثالث يوم الدورة
🌟سونار AFC يقيس عدد البويضات في كل مبيض
شنو سبب قلة المخزون؟
🔴هواية اسباب منها جيني خلل بالجينات والمريضة متدري انه حاملة ل خلل وراثي معين يظهر بشكل قلة مخزون المبيض او بشكل سن يأس مبكر وهذا يحتاج فحص جيني وغالبا يكون مكلف
🔴التعرض لعمليات جراحية بالحوض متعدده من ضمنها زيادة عدد القيصريات ومن ضمنها رفع كيس من المبيض لان جزء من المبيض ينفقد والجزء المتبقي ممكن يتأذى من التداخل الجراحي
🔴بطانة الرحم المهاجرة وحدة من اهم واصعب الاسباب الي تؤدي الى قلة مخزون المبيض
🔴العمر فوق ٤٠ سنة من اهم الاسباب
شنو نسوي من نعرف؟ منترك الموضوع نراجع مباشرة يم طبيب العقم حتى منتاخر يعني قلة مخزون المبيض واني ما اريد اطفال هسه ف شنو يعني بعدين اراجع هذا غلط اكيد لازم منترك الموضوع ونستعجل ونغير بالخطط لان الموضوع مو شرط ينحل حتى بعد ميتشخص واتخيلي اذا اتاخر العلاج بعد اكثر تسوء الوضعية
العلاج يتراوح من مكملات غذائية الى تداخل اكبر من ضمنه وديجيب نتائج حلوة وان كان مو عند كل مريضة بس اكو هواية استفادو منه الي هو prp حقن المبيض بالبلازما المنشطة والبدأ ببرنامج تلقيح مناسب بعدها
نتجنب عمليات التداخل الي مو ضرورية يعني كيس صغير عالمبيض وميروح ممكن نسحبه افضل مما نفتح بطن او نشيله بالناظور لان ممكن يقل مخزون المبيض
العمر شي منكدر نغيره بس ممكن تستفاد المريضة من البلازما للمبيض
البلازما تحقن عم طريق المهبل بتخدير بسيط او عن طريق الناظور او اذا كان هناك عملية تحقن خلال العملية كلها نتائجها زينة
المبيض شي غالي ومهم غير قابل للتجديد غير قابل للزرع لحد الان
منفقد الامل ونظل نحاول
يارب الصحة والسلامة 🙏🏼
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي