بعض الاشاعات حول اللقاحات :
💛اللقاح الاول بعد الاسبوع الاول !!!
🤔 خطا كبيييير لقاح التهاب الكبد يفضل يناخذ خلال ١٢ ساعه من الولاده و ما يتاخر عن ٧٢ ساعه
🖤 اللقاح اذا ما مصخن الطفل يعني ما يشتغل !!
🤔خطا الحراره عرض جانبي للقاح و ماكو هيجي شي ابدا ممكن يصخن و ممكن لا و ماله علاقه بفعاليه اللقاح
❤ ما يصير نغسل للطفل بعد اللقاح !!!
🤔 ماله اي علاقه و لا اي رابط
💜 ابو صفار يمنع اللقاح !!
🤔 نزلت كتيب اللقاحات قبل كم يوم الكتاب عراقي و يؤكد انه ما يمنع اللقاح و لا اله علاقه
💜 انطي خافض حراره بعد اللقاح حتى ما يصخن !!!
ماكو هيجي شي و ممكن اعطاء خافض الحراره يتعارض مع كفاءه اللقاح قليلا
اللي ينطي خافض حراره قبل اللقاح او بعده هو فقط الطفل اللي صايره عنده شمره حراريه سابقا
و عادي من ترتفع حراره الطفل تنطيه خافض حراره
❤ لقاح السنه مو مهم !!
🤔 بنظري ؟ لقاح السنه هو اهمهن لان يحمي من النكاف و الحصبه و الحصبه الالمانيه طبعا مو نقلل من شان باقي الامراض بس الحصبه الله لا يعذب اي طفل بالعالم بيها متعبه بشكل للطفل و اهله و مضاعفاتها هوايه
💛 اذا ما ظهرت الندبه يعني اللقاح ما يشتغل و يحتاج اعاده؟
لا ابدا ما يحتاج اعاده حسب NHS
د. سيف سمير البياتي
اخصائي طب الاطفال
from د. سيف سمير البياتي