ما اعرف عن مصداقيه هذا الخبر اللي بالسكرين شوت
بس هذا رد على جماعه مو سوينا و كبرنا و ما بيهم شي
الأخت بتعليقاتها تكول استخدمنا الدبس بصوره مستمره على مدى اسبوع للطفل
نزلت بوست هنا مره عن طفل يتقيء شي اسود
عمره يومين كان الطفل
الشي الأسود ما نعرفه شنو
بالأخير يلا اعترفت الجده انه تنطيه للطفل من عمره يوم دبس
الطفل سويتله بيدي غسل معده
حتى ما سامعها الحاله من أحد اني
احتاجيت بطلين مغذي لما نظفت امعاؤه
و موجوده القصه بهاشتاك #طواريء
فيا امي
يا اختي
جماعه شو انطينا و ما صار شي
ما صار شي لان الله ستر
مو لان انتوا صح
مثله الكماط اللي يعدل الرجلين و هو عامل خطوره لخلع المفصل
و مثله البودره اللي تهيج التحسس
و مثله السكوه اللي ياما فتكت باطفال( السكوه فد شي عشبي مصنوع عند الجدات لعلاج حالات الاسهال )
و مثله العسل للخدج اللي بيه جرثومة ممكن تكون قاتله لأطفال تحت السنه
و مثله الكحل اللي يسبب العمى اذا كان ملوث
و مثله فرط استخدام العصير و السمنه و زياده الخطر بالأصابه بالسكر النوع الثاني عند الأطفال
و مثله فرط استخدام العصاره الصفره النستاكورت لعلاج طفح الحفاظات اللي ممكن يسبب ارتفاع ضغط الدم و السكري
و مثله فرط استخدام شراب الالتهابات بدون وصفه طبيه اللي عزز مقاومه البكتريا و ضعف مناعتنا كدام الالتهابات
د. سيف سمير البياتي
اخصائي طب الأطفال
from د. سيف سمير البياتي