هو شكد هوايه نشله ؟
شكد هوايه اسهال ؟
شكد هوايه التهاب مسالك بولية؟
❤ اشوف هوايه ناس يكولون جهالنا مناعتهم ضعيفه
جهالنا بس يتمرضون
بس من تدقق بالتاريخ الطبي تلكاه كل شيء ضمن المعدل الطبيعي
❤ يعني من الطبيعي جدا ان الطفل تصير بيه نشله 6 إلى 8 مرات بالسنه
و اذا يداوم بحضانه او روضه اكيد اكثر و توصل لحد 12 مره بالسنه و نكول طبيعي !
❤ و شكد يصير عنده اسهال و قيء بالسنه ؟
من الطبيعي ان يصير عنده اسهال و قيء او أحدهما مره إلى اثنين بالسنه
بس اذا المميه ما متعقمه و مفوره قبل كل رضعه
و اذا الملهيه توكع بالكاع و تتخله بحلكه
وواذا الطفل مكضيها دلفري من المطاعم
و جبس ملوث و اكل غير صحي
لا هنا الاسهال يوميه يزورنا و يسلم علينا
❤ و كم مره يصير التهاب مسالك بولية ؟
بالولد كلش قليل
بس بالبنات تقريبا مره بالسنه
بس اذا البنيه عدها امساك و ما تهتم بنظافتها الشخصيه و كم ملحوظه أخرى تعدلها هنا هي المشكله
❤ لعد منو الاطفال اللي ممكن تكون مناعتهم ضعيفه ؟
هم الاطفال اللي يصابون بأمراض شديده مثل السحايا او التهاب المفصل
هيجي التهابات قويه اي ممكن
بس نشله! طبعا لا
د. سيف سمير البياتي اخصائي طب الاطفال
from د. سيف سمير البياتي