و مثل كل سنة
يبدي رمضان
و تبدي حالات التسمم بالرز البايت
لان اهلنا يبدون يسوون الرز بالفطور
و بما انه الطفل ما يصوم ثاني يوم
فيحمون الرز اللي تقدم بالفطور و انترك اكثر من ساعتين قبل الخزن بالثلاجه و يقدموه اله كوجبة غداء
.
متلازمة الرز المقلي
Fried rice syndrome
تكدرون تبحثون عنه بكوكل
هو الرز اللي ينترك بعد تحضيره بره الثلاجه ساعتين و اكثر
هذا الترك راح يخلي نوع من البكتريا تتكاثر بيه
المشكله انه اعاده تسخينه ما راح تقتل هذه البكتريا
و الحل ؟
اما تحضير رز طازج و تناوله خلال ساعتين بعد تحضيرة
او تبريده راسا بعد تحضيره ثم خزنه بحافظات خاصه مو بنفس القدر اللي تم تحضير الاكل بيه و عادي احميه ثاني يوم
و اكيد راح تجي تعليقات ( مو كل سنه هيجي نسوي و ما صار شي )
و اني اكولك بثاني يوم رمضان شفت ٣ حالات تسمم بالرز البايت اليوم
كل اللي عليك وره ما تطبخين الرز مباشرة تخزنيه بالثلاجه
او تطبخين يوم بيومه
د. سيف سمير البياتي
اخصائي طب الأطفال
from د. سيف سمير البياتي