كالولي ضعيف
كالولي صغير
كالولي مدا يسمن
هم منو اللي كالولك؟!
و ليش اصلا كالولك ؟
تعلمي شغله وحده بس ( انت مدا تربين حتى تستعرضين اطفالك هم مو تخم الصاله اللي مشتريته ب ٣٠ ورقه و لا سيت الذهب اللي جابه ابو جود بمناسبه عيد زواجكم )
انت دا تربين حتى تطلعين أشخاص اسوياء يفتخر بمستوى إنجازهم بهذه الدنيا
حتى واحدهم يعتمد على نفسه و يحقق كيانه و استقلاله
كالولي ضعفان !!!
مو على أساس هو دجاجه مال ذبح
قبل كم سنه بنفس الغرفه شفت طفلين
طفل معاق بس سمين و الاعاقه مسببتله السمنه
و الاخر مريض مرض عادي يستوجب دخوله المستشفى
ام الطفل الاخير تسألني بكل ما اعرف شيسموها تكول ابني بكد هذا الطفل و تاشر على المعاق ليش ابني ضعيف و هذا سمين !
كالولي مو؟
بويه انت ام
مو صاحبه معرض سيارات
د. سيف سمير البياتي اخصائي طب الاطفال
from د. سيف سمير البياتي