حقيقة اني فخورة بيكم
وفخورة بالانجاز الي كدرنا نحققه خلال مده 4 سنوات ونصف
قبل سنتين من الان ،، نزلت البوست الي قريتوه البارحه حول طريقه ضرب الطفل بعمر الاستكشاف حتى يتم كبح رغبة الفضول، وبوقتها جانت اغلب التعليقات مؤيده لمثل هيج (تعنيف) ووصفوه بالتربية
البارحه ، العكس
اكثر من 80% جان رافض هاي الفكره وذكروا بوضوح انهم مع استكشاف الطفل وهذا من حقه
خلال مده سنتين، كدرنا نغير مفاهيم حوالي 400 الف عائلة
تتوقعون هذا الاثر شكد حيكون قوي بالمستقبل,,
وهذا التغير طبعا انتوا وراه وانتوا سببه
لان سمحتوا لنفسكم ان تكونون منفتحين، تغيرون الموروث والعادات ،، تحاربون التقليد الاعمى
هذا كله بجهدكم ، تعبكم ،، مثابرتكم
احنا كنا فقط نحاول ان نرتب الافكار الفطريه الي تحاول كل ام تسويها بفطرتها دون معرفه بالطريقه او دون وعي باختيار الكلمات
احنا واجهنا المجتمع وتلقينا اللوم ، المباشر وغير المباشر، والشتائم والسباب، واتحملنا
لخاطر نطلع بهيج ثمره، والحمد لله حصلناها اسرع مما نتصور 😅
فخوره بيكم ،، حقيقه
واذا كنتوا تعرفون ام ولدت جديد،، ادعوها تتابع الصفحه حتى تكبر رسالتنا اكثر واكثر ،،
وكل هذا هو الكم وللجيل القادم لانهم يستحون الافضل 💕
د.اسماء البدري
from د. سيف سمير البياتي