اكو فد صورة محزنة متداولة بشكل كبير على مواقع التواصل الاجتماعي.. لأنها لم تعد قادرة على رعايته.. أم تضع طفلها البالغ من العمر 37 يوماً أمام ميتم إسلامي في حي #الوعر بمدينة #حمص، مؤكدة “أنه ابن حلال” وطالبةً ممن سيرعاه أن يحتفظ باسمه #عمر_بن_عبد_الرحمن، حسبما قال المرصد السوري لحقوق الإنسان 😕
هذا الوضع بسوريا
احنا الوضع عدنا ننطيه حليب جياس لان ما عدنا فلوس
تعالوا تصدقوا لان ما عدنا فلوس العلاج
الفقير مو ما يخلف ابدا
بس من الفقير يخلف 3 و 4 و 5
هنا المجتمع اله حق يحاسبه
مثل عمر بن عبد الرحمن عدنا آلاف الاطفال اللي اهلهم ما يكدرون يسدون احتياجهم
و مثل عمر بن عبد الرحمن اكو اطفال أمهاتهم انفصلوا عن ابائهم لان ما تفاهموا بيناتهم و تركوهم اما مع الأم او مع الاب و في اغلب الحالات ما عدهم القدره الماديه و الجسديه على رعايه الطفل
و مثل عمر بن عبد الرحمن عدنا اطفال أمهاتهم يتعجازن يطبخن الهم و مكضيها جبس و نستله
و عدنا اباء ما عدهم القدره النفسيه و الماليه يكونون اباء
ما جبنا سيره آلاف الاطفال اللي امهاتهم ما عدهم القدره النفسيه و العقليه على رعايه اطفالهم
فكر زين بطفل رقم 1
و فكر ترليون مره بطفل رقم 2
#الطفل_الضحيه_رقم_1
د. سيف سمير البياتي اخصائي طب الاطفال
from د. سيف سمير البياتي