بيوم من الايام و بأول مراجعة لطفل لطبيب عيون بسبب انه الأهل ديشكون عنده ضعف بصر.
من فحصتة جان نظرة في العين اليسرى ضعيف جدا، بعد الفحص الكامل لكيت اكو آثار إصابة سابقة بالعين مسببة ندبة في القرنية، تمزق في قزحية العين و ساد رضي (ماء أبيض).
ورة ما سوينالة سونار للعين تبين أكو إنفصال كامل للشبكية!
ورة ما دققت وية الاهل تبين انه انضرب على عينة قبل كم سنة بمسدس صجم وصارت عينة حمرة كم يوم وأخذولها قطرات ومشت الامور.
اي وشنو الاجراء!
عمليات و عمليات لأعادة تأهيل البصر لهذا الطفل وبنسبة كبيرة رح يبقى نظرة بيها ضعيف وممكن تنتهي بضمور.
حتى لا نوصل للمأساة اللي دنشوفها إحنا اطباء العيون و ديعيشوها أهاليهم بسبب إستخدام الأطفال لهذه المسدسات، خلي نمنعهم من شرائها.
في مستشفى واحد في بغداد، تستقبل طوارئ العيون فيه ما يتراوح بين ١٠٠ الى ٣٥٠ اصابة بأيام العيد فقط.
#د_صهيب
د. صهيب علي جواد
أخصائي طب و جراحة العيون
https://www.facebook.com/dr.sohaib.vision/
from د. سيف سمير البياتي