الكذب !
صفه كريهه نكرهها كلنا
و حتى الكذاب يكره الكذاب
فكيف اذا اصاب هذا المرض الاطفال !
امهات كثيرات يسألن هذا السؤال
دكتور ابني يكذب شاسوي ؟
أو بنتي كاعد تالف عليه قصص عن صديقاتها بالمدرسه و من اروح الكه ماكو اي شي حقيقي و لا اي شي !
المهم
مو اكتشاف الكذبه
المهم هو
معرفه ليش كذب الطفل
فالطفل ما يولد و هو يكذب
الكذب يجي اما تعلوما مننا احنا البالغين
او تراكم خبرات
الجيد بموضوع كذب الأطفال شغلتين هي
ان الطفل الكذاب عنده قدره لغويه هائله
و أنه عنده خصوبه خيال
بس نرجع للسؤال الأهم!
ليش يكذب الأطفال
💔 اهم سبب هو الخوف من العقاب
💔 ضرب الأطفال أكبر محفز للكذب فيكذب حتى يتجنب الاذى الجسدي
💔 للحصول على الإعجاب من زملائه أو منك فيكول مثلا اني فزت بفلان لعبه عمره ما لعبها
💔 للحصول على بعض المطامع مثل الحلوى
💔 اسوئهن هو الكذب اللي يصير بدافع عدواني
💔 و اخيرا يكذب لأنك أنت تكذب
اعرف البوست صار طويل
نجي للحل
❤ لغايه عمر ٥ سنوات ماكو داعي للقلق لأن اصلا ما يعرف شنو الحقيقه و شنو الخيال فاتركه و استمتع بالكذب بس بدون ما تبين أنه انت مصدق الكذبه
❤ أبدا لا تجبره على قول الصدق
و جمل مثل ألا اموتك ألا تكول الصدق أو ألا احرمك من اللعب ألا تقول الصدق
❤ انت التزم بالصدق و كن مثال جيد
❤ عزز ثقته بنفسه و عزز شخصيته حتى ما يكذب
❤ افتهم الاسباب اللي تخلي طفلك يكذب
❤ ابدا لا تعطي انطباع ان الكذب ممكن ينجيه من العقوبه
❤ ابدا لا توصفه بالكذاب
د. سيف سمير البياتي اخصائي طب الاطفال
from د. سيف سمير البياتي