عندي بنيه شابه
بدت سن المراهقه
احلى عمر و اكثر عمر متعب للاباء و الامهات
البنيه غير شكل عننا
اني متعود على نمط الحياه السريع
اكل بسرعه
البس بسرعه
اعيش حياتي بايقاع سريع
بنتي عكس مني
ما تهتم للاشياء اللي اني اهتملها
ما تهتم بالتفاصيل اللي احبها
صعبه شويه هوايه
كان الموضوع متعب خصوصا مع نمط حياه سريع
يعني تعال وصلها و روح للعياده و هي تروح الدوام
هي لازم تتأخر بالفطور و اني اخذ كوب القهوه ويايه بالسياره
هي تلبس بسنه و اني البس بدقيقتين
بالبدايه كنت اعصب و أكتم
اني نوعا ما اضبط اعصابي
بس احيانا كنت اوصل للحد و يعلى صوتي
كنت مفتهم إنه هي خطأ
و اني صح
كنت أظن أنه هذا عيب عدها و لازم اغيره
كنت مفتهم إنه لازم تصير سريعه و حريصه على الوقت مثلي
بس و اني اقرا عن التربيه الايجابيه
و اني اقرا عن الطباع البشريه
لكيت إنه اكو طباع ما نكدر نغيرها
طباع خاصه بيه و بيك و بيها
يعني طفل يحب يقرا هوايه
و طفل يحب يغني و يلعب
طفل يسلم و اجتماعي و طفل اخر يكره السلام و ما يحب يسلم
هذا التميز لطفل عن آخر و لشخص عن آخر يخليك تتسائل عن مدى الإعجاز بهذا الموضوع
و بما انه دائما اكول خلي نفسك بمكان ابنك او ابنتك
خليت نفسي بمكانها
و شفت انه هي محقه
يعني ممكن هي تشوف ان السرعه بالتصرفات عيب
او الحرص على الوقت مبالغه
نهايه الوقت اكتشفت ان الترابي مالتها يجنن
و إنه شخصيتها مو متسرعه
و انها تاخذ وقت لما تصدر قرار
كل اللي سويته إنه قبلت بيها كما هي
مو بس هاي
اني حاليا من أكبر مشجعيها و داعميها
و وصلنا لحلول مشتركه
مثل تحضير الملابس من الليل
نقرأ من ارجع بالليل
و نشتري كتب و روايات هي تحبهن
و من يومها بديت احترمها اكثر و اقدرها اكثر
د. سيف سمير البياتي اخصائي طب الاطفال
from د. سيف سمير البياتي