#الدراسة
#بعده_صغير
#التربية
📍السيناريو الاول:
_شكد عمر ابنج ما شاء الله؟
_خمس سنوات
_الله يخلي .. شلون مكضي نهاره؟
_والله عايفته على راحته خطيه (بعده صغير) يباع تاب شويه يوتيوب .. يلعب بلي.. مرات ينزل العاب ع تلفوني.. ومن يمل منهم أطلعه يشتري من الأسواق شي نستله جبس عصير..
_ها زين انتي مدام بعدج حامل يعني ليش متجربين مثلا تعلمي شويه تلعبي العاب ذكاء تسويله انشطه قبل متجيبين وتلتهين..
_لاعيني عليش اتعب عقله (بعده صغير) لاحك يكبر ويتعلم ويشبع ضيم
…..
📍السيناريو الثاني:
_لا ماما شدتسوووي !! اني اسدلك السحاب..
_لا ماما شدتسوووي .. اني اوكلك لتوسخ هدومك
_ماما شدتسسوي !! عوف اخوك بعده صغير! كوم باع تلفزيون بين ما اكمل العشه.
📍السيناريو الثالث:
ولكم وتاااالي ويااااكم ذبحتوني.. كلشي متعرفون تدبرون لاقراية مال اوادم. لااكل عدل .. لاتلمون هوستكم من الكاع .. شصير اني أظل عمري أعلم بيكم واركض وراكم!!
ومناك عندي اختكم الصغيره مسهرتني الليل كله والنهار تطلعولي انتوا..
🌼التعليق: طفلج اول سنوات حياته (اول 7 سنوات) هي الفتره الذهبيه كلما تتعبين بيها كلما ترتاحين بعدين..
علمي كلشي تكدرين عليه …
ومااقصد علمي بس قراءه ورياضيات والعلوم المختلفه..
اقصد كذلك علمي الاعتماد على نفسه
علمي الثقه بالنفس
علمي يكون مسؤول..
علمي شلون يلزم القلم .. شلون ياكل.. شلون يعيش كإنسان !
لتكولين من يكبر.. كلما يكبر كلما ينتهي دورج خلاص لتتوقعين بعد يتعلم منج .. ببساطه هو أخذ قالبه. وحتحتاجين أضعاف الجهد حتى تعيدين تشكيله..
🗝️وتذكري من حيكبر غالبا حيكون عندج طفل غيره ينتظرج .. والجبير هاهيه اخذ فرصته بس انتي مستغليتيها ..
الي بعدهم أطفالهم صغار.. انتبهوا ولاتعيدون اخطاء غيركم ..
هواي اكو مناهج حديثه تساعدكم بهذا الموضوع
د.اسماء اسماعيل البدري
from د. سيف سمير البياتي