#نشف_الحليب 😔
الشكوى الدائمه، أن الحليب فجاة ينشف
احب ابلغكم بالمختصر
مستحيل اكو حليب فجاة ينشف
الي يصير هو
🔴يا اما قلة تحفيز والجسم يفهم كاعد تفطمين تدريجي فيوصل مرحلة بعد ينشف
🔴يا اما تاخذين ادويه او اعشاب تنشف
🔴او تاثير الحاله النفسية وبالتالي متصعد الهرمونات بشكل جيد (تعب شديد للام أو حاله نفسيه سيئه جدا)
📌قلة التحفيز اسبابها:
1️⃣التقام خاطئ للثدي، الطفل يرضع من الحلمه فقط، وهذا خطا
يجب أن تكون الرضاعه من الثدي نفسه، أي أن (الهاله: المنطقه الغامقة المحيطه بالحلمة) تكون داخل فم الطفل وليس خارجه .
2️⃣تحويل الطفل من ثدي لاخر بسرعة قبل أن يفرغ ويبدا التحفيز
3️⃣والسبب الرئيسي الشائع هو الرضاعة المختلطه (الطفل يرضع حليب صناعي مع الرضاعة الطبيعية)
📌اما أنواع الادوية والاعشاب الي ممكن تنشف:
1️⃣حبوب منع الحمل ثنائية الهرمون (يجب استخدام حبوب احادية في حال رغبت الأم بمنع الحمل عن طريق الحبوب)
2️⃣النعناع
3️⃣الميرمية
📌 الحاله النفسية :
1️⃣التعب
2️⃣قلة النوم
3️⃣الخوف والتوتر وبالتالي تجنب الارضاع وبالتالي هرمونات التوتر تعاكس هرمونات ادرار الحليب
زين شنو الي يخلي يرجع يدر؟🤔
التحفيز،👍
🔸شنو التحفيز؟
✨هو رضاعة الطفل لثدي الأم إلى أن يخلص الحليب كله ويبقى يرضع، هنا يبدي يدز رسائل للجسم أن الطفل يحتاج كميه اضافيه، والانتاج الحالي غير كافي , والدليل الطفل ديرضع وهو فارغ
(رضاعة الطفل للثدي الفارغ هو التحفيز)
اذا اصلا ما يوصل لهاي النقطه، لان اصلا ماترضعي الا يمتلئ الثدي تماماً،
ولمجرد يفرغ الثدي تنطي الممه، شلون حيتحفز؟
الي تريد ترضع طبيعي لازم تطول خلك خصوصا أول شهر،
وخصوصا في أوقات طفرات النمو
الرضاعة الطبيعية كنز، بس يحتاج ننقيب عنها 🌹
والمحيطين بالام الي ترضع طبيعي ، ادعموها وساعدوها وشجعوها ، ولحد يغثها، تره خطيه الطفل بركبتكم ✋
د.اسماء اسماعيل البدري
from د. سيف سمير البياتي