هل سبق ان كرهت نوع معين من الاكل
بس لانك كنت صغير وكنت تسمع احكام مسبقة؟
اغلبنا مر بهاي التجربة
البعض جانت عنده جرأة ان يجرب لكن بقى اسير ال(تصور المسبق)
والبعض الاخر كسره وبنى تصوره الخاص وفكرته الخاصه
مو الكل طبعا عدهم نفس الشجاعة
ولا الكل تسنح لهم الفرصه ان يجربون
(نتكلم عن التجارب المشروعة وليس الجنون والتجارب الممنوعة لاثبات ضررها على الانسان او المجتمع او البيئه)
اكيد الموضوع مايخص الاكل طبعا
ممكن يكون بسيط
وممكن يكون خطر جدا
لحد الكراهيه والعداوه
نفكر زين قبل ما نحاول نحشي ادمغة الاطفال بافكارنا الخاصة
نحاول نبعد تجاربنا عنهم ونسمح ونفسح لهم المجال يخوضون تجاربهم
اذا انت/ انتي
ماتحبين فلانه لاي سبب
ماكو اي داعي تمشين وتكولين فلانه مكروهه وشكد اكرها
والعديد من الكلمات الباعثه للكره
اذا
انت/ انتي
عندك مشكله وي كعده الصبح لاتمشي وتشع طاقة اووووو شكد مزعجه كعده الصبح واهووو هم كعدنا وتبقى تكرر هاي المعزوفه كل صباح
اذا انت / انتي
متحب الباچه
لتاكلها مو ضروري طبعا
بس ما حاجه تسوي بث محلي تكول بي الباجه تلعب النفس ومنو يكدر ياكلها ومقرفه وتلزك وغيرها من الاوصاف
ذكرت موضوع الباجه لان اني من جنت صغيره جنت اسمع من المحيط كميه ذم و(استقراف) منها
لسبب او لاخر
بالنتيجه جنت اشعر بنفس المشاعر تجاهه رغم ما ضكتها
بعد زمن قررت اكسر الحاجز واجرب
وجربتها وعجبتني
وحاليا اني من انصار الباجه واحبها ✌️
وانت/ انتي
من انصار الباجه ؟
بما ان الدنيا عيد
وهل انت / انتي
تكرها لسبب انت مقتنع بي لو امتصيته من المحيط من جنت صغير؟؟
يراد د.زينه تحجينا عن فوائدها 😍
د.اسماء
from د. سيف سمير البياتي