السعرات الفارغة ونحافة الأطفال: الشهية وجودة الغذاء

اكو مصطلح شائع بين علماء واطباء التغذيه وهو سعرات الفارغه يعني شنو يعني تدخلون للجسم سعرات طاقه بدون قيمه غذائيه حقيقيه وهذا اللي يصير بحالات النحافه عند الاطفال طفل عمره اربعه او خمس سنين او اكبر او اصغر ياكل نستله او بسكت او شيبس او عصير (سواء طبيعي او صناعي) يعني يدخل الجسم 300 الى 400 سعره او اكثر ما بيها اي قيمه غذائيه غير السكريات يعني الطفل حصل طاقه عاليه وسعرات عاليه بدون اي فائده ما راح يشتهي ياكل بعد
هو هذا اللي يصير لابناءنا من ننطيهم انواع النمنمات اللي ذكرتها فوق
بدون ما اطول عليكم اخذوا هالنصائح
الطفل خلي ياكل سعراته احسن ما يشربها
نصيحه ثانيه دخلوا له الاغذيه اللي ما يحبها وهي الاغذيه اللي يحبها مثلا يحب المعكرونه وانواع الباستا هنا دخلوه الخضار ويا المعكرونه نصيحه ثالثه تجنبوا السكريات المضافه وبدل ما تنطيه نستله انطي تفاحه
نصيحه رابعه لاتبالغون بكميه الحليب حتى لا يصير عنده فقر دم النصيحه الاهم والاهم والاهم وضع الطفل الصحي والتغذوي والجسماني يعتمد بشكل كبير على حاله الطفل النفسيه يعني لا تنقلون مشاكلكم قدامه لا تخليه يحس انه تفضلون اخوه الاصغر عليه وحتى اذا كنتم ما تحبون نوع معين من الاكل لا تبينوا هذا الشيء لأن حيقلدكم هو تلقائيا هذا اللي ذكرته كله يخص نحافه الاطفال اللي ما بيها سبب مرضي اما اذا كان اكو سبب مرضي فلازم تراجعون طبيب ولازم تعالجون الحاله ولازم اكون متابعه
دائما اسمعوا رأي المختصين
(د. سيف طلع بلسانه شعر هلگد ما منع الحلويات والعصائر 🌚🌚🌚)
د. زينه البياتي/طبيبه التغذيه
https://www.facebook.com/zinaclini/

from د. سيف سمير البياتي