قصه
و رجعت الكم بقصه قصيره
تجربه المارشملو
Marshmallow experiment
التجربه بدت بال ١٩٦٠ من باحث قرر يختبر اطفال بعمر ٤ و ٥ سنين
اجا الباحث و جاب قطعه مارشملو كدام الأطفال
كاللهم اني راح اطلع من هاي الغرفه لفتره
اذا طلعت و رجعت لكيتك بعدك ما ماكل المارشملو انطيك قطعه ثانيه
و اذا اكلتها خلص راحت عليك القطعه الثانيه
كتجربه للثواب و العقاب
و مقاومه الإغراءات
اكيد مو هذا الجزء الممتع بالموضوع
الجزء الممتع هو بين بعد سنين و سنين
و بالأخص بعد ٤٠ سنه
كمل الباحثين دراستهم على ذوله الأطفال
و قسموهم على أساس اللي اكل القطعه الوحده و اللي اخذ القطعتين
لاحظت التجربه
انه اللي انتظروا و ما اخذوا اول قطعه
كانوا
اولا أعلى معدل بدخول الجامعه
SAT score
اقل عرضه للإدمان
اقل عرضه الاصابه بالسمنه
احسن مهارات اجتماعيه
و احسن كذلك كوالدين عند تقييمهم من قبل ابنائهم
.
.
اللي يستخلص من هذه الدراسه
انه اذا طفلك ترك اغراء النت و الشاشه و كمل واجبه البيتي راح يجيب نتيجه احسن
اذا قاوم طفلك شراء النستله و الجبس راح يكون اصح بخياراته للمستقبل و يكون صحي أكثر
و غيرها من الاف الأمثله
النجاح يأتي بمقاومه المغريات حتى ولو بعد حين
شكرا الكم
