انزل بوست اكول بيه من تكمطون لا تكمطون بحيث يضب الرجلين اتركوا الرجلين حره و كمطوا بس الايدين
يكتبن مو كمطنا و ما بيهم شي
انزل بوست اكول الملهيه و المميه فوك سنه ونص تعوج الفك العلوي و تخرب الاسنان يكولن مو جهالنا و ما بيهم شي
انزل بوست اكول ماكو شي اسمه اسمه ثوم و دبس لأبو صفار يكتبن مو انطينا لجهالنا و ما بيهم شي
انزل بوست اكول بيه الحجله مو زينه و ممكن تأخر المشي يكولن مو خلينا جهالنا الحجله و ما بيهم شي
زين اختي الكريمه هو من يصير بيه شي يجي يمك؟
فاتحه طواريء انت؟
شايفه كم طفل اني بيدي غاسل معدته من وره الدبس بأول يوم؟
شايفه كم طفل راسه مجروحه من الطول الطول بسبب الحجله اني شايفه و متعامل وياه؟
شايفه كم طفل توفى او بدلتله دمه او خليته بعلاج ضوئي مكثف من وره اعتقاد الام بالثوم يعالج ابو صفار ؟
انت طبيبه اسنان يجيبولك الأطفال علمود تعديل الفك مالتهم من بعد ما يخرب بالملهيه؟
انت كاعده بالطواريء و شايفه كم حاله تجي متسممه بالسكوه و الطفل لو نلحك عليه لو لا بعد غسل الكليه طبعا؟
الجواب هو لا
فيا اختي الكريمه
الله حفظكم و ستر عليكم و ما صارت هاي الأشياء وياكم
ما عليك باطفال العالم
خلي اهلهم ياخذون حذرهم
و السلام عليكم و رحمة الله و بركاته
