شون اعرف ابني متاخر بالحركه و التطور
و حسب الأعمار
١. من ما يمد ايده على اي شي بعمر ٤ اشهر
٢. ما يكدر يكلب من بطنه على ظهره او من على ظهره على بطنه بعمر ٦ اشهر
٣. ما يسيطر على راسه بعمر ٦ اشهر بحيث راسه تحسيه عبالك اول ما اجه للدنيا
٤. ما يكدر يكعد مسنود بعمر ٦ اشهر قريتي عيوني ؟
مسنود
٥. من تلزميه و توكفيه ما يوكف و لا يدفع الأرض برجليه بعمر ٧ اشهر
٦. ما يحبي ( يزحف) او يوكف ع رجليه بعمر سنه
٧. ما يمشي بعمر ١٨ شهر ولو بعض الأطفال اللي يزحفون على مقعدهم من الطبيعي انه ما يمشون إلى عمر سنتين
و لا تنسون الهاشتاك #تطور_الطفل
يستعرض اهم مراحل التطور
د. سيف سمير البياتي
اخصائي طب الأطفال
