قبل اسبوع صار بيا موقف مدانساه ابد وبحياتي مراح انساه … وكلش مأذيني حقيقه واتمنى الكل يفكر بتربيه اولاده والا لاينجب اولاد للمجتمع يكونون عاله منطقيه …
بهاالگروب موجود الي هو أب والي هي أم او الي حيصير او تصير أب وأم …
دوامي ب مركز تخصصي لطب أسنان الاطفال
قررنا ننطي ي هديه لكل طفل يقبل نعالجه ويكون هادئ تشجيعاً للاطفال لان اغلبهم يخافون من ابره البنج الخ…
صدفه كان اثنين اولاد أنطيت هديه للاول وداگوله ننطي هسه لهذا صديقك گال لا دكتور هذا اسود موصديقي (يقصد الطفل الاخر الي تعالج بعده لان بشرته داكنه وتبدوا علي علامات الفقر من ملابسه البسيطه وضعف جسده )
حقيقه بقيت يوم كامل اني افكر ب كلام الطفل ونظرته الفوقيه الي اكيد اكتسبها من اهله ومن الي حوله
هالاشياء حالها حال تعلم الانسانيه وحب الاخرين والطائفيه الي تنغرس بالطفل غرس من الاهل…
علموا اطفالكم حب الاخرين علموهم يقسمون ال سندويچ اذا صديقهم ب المدرسه مااامحضر اكل ويا ..خلوا بجنطتهم اكثر من قلم في حال احتاج زميلهم …علموهم مااكو احد احسن من احد ..علموهم يحسون ب المريض وال فقير وضعيف الحال …علموهم كل واحد ودينه ولون بشرته وكل احد حر ب تصرفاته واحنا مانكدر ننقد احد وعلينا ببناء انفسنا …
هيج راح ينبني المجتمع لان الدول الي نكول عليها متطوره بدت ب الاسره ..
