ملاحظات لعلاج القيء الحاد
اغلب حالات التقيء لا تحتاج إلى علاج و تروح وحدها
كل اللي عليك
هو الإكثار من غسل يديك بالماء و الصابون حتى لا تنصاب بالفايروس
ثانيا انتظر ٣٠ دقيقه قبل ما تنطي سوائل او ماء للطفل
ثالثا انطي محلول الإرواء الفموي كل ١٠ دقايق بعد نصف الساعه الانتظار
رابعا تجنب العصير و الكولا و المشروبات الغازية
يا مكثر الأمهات اللي تنطي عصير و بعدين تلاحظ انه التقيء استمر
اي نعم يستمر
محلول الإرواء الفموي هو الحل الوحيد
اذا ماكو تكدرين تضيفين شويه عصير للماء علمود الطعم و تنطيه لطفلك
او تكدرين تشترين محلول الإرواء الفموي و بس
خامسا تتذكرون BRAT ؟
اللي هي الموز و الرز و التفاح و التوست عداها ما افضل اي شي صلب يدخل لمعده الطفل
اخيرا الأطفال اللي بعدهم على الرضاعه فقط استمروا بالرضاعه بعد ترك ٣٠ دقيقه بعد آخر قيء
ملاحظه: هذا البوست لا يشمل الارتجاع
د. سيف سمير البياتي
اخصائي طب الأطفال
