مسائكم خير
قبل كم يوم أحد الأخوات عابت على المعلومات انه اني انزل طرق تربيه فقط باللين
انه لا تعيطين على طفلك
و لا تاذيهم
و لا تضربوهم
و شون استخدم الحافز
و جدول النجمه
ال star chart
كاحسن وسيله تربيه
و اكيد موجود بوست مفصل عن الموضوع
بس شون نعاقب؟
شنو طرق العقاب الصحيحه المتبعه
اليوم احجيلكم على ال Time out
اللي هو المكان او الكرسي الوكيح او السيء
اللي يكون بمكان اولا امين و تحت نظرك و اشرافك
و طبعا تتفقون على هذا المكان من انتوا متفقين و هادئيين و تكوله من ما تسمع كلامي راح احبسك بهاي الغرفه او اكعدك على كرسي الوكاحه او زاويه الوكاحه
الوقت طبعا يفرق من عمر لاخر
بس كقاعده عامه
هي دقيقه لكل سنه
يعني الطفل اللي عمره ٤ سنين تكعده او تعزله او ما تحجي وياه لمده ٤ دقايق
و من يكرر الغلطه تزيدها بنسبه النصف
يعني من تتكرر تنضاف دقيقتين و تصير ٦ دقايق
اهم قواعد ال Time out
١. لا تأخر العقوبه أبدا يعني لما تكمل شغلك مثلا
لا العقوبه لابد الان
٢. ابدا لا تعصب كن هاديء حتى يتعلم الهدوء
٣. لا تتساهل الزمن محترم و خليه يكعد بالزاويه اللي اتفقتوا عليها الوقت اللي اتفقتوا عليه
.
.
الاهم منها لا تكولون هذا ما يفيد اطفالنا يفيد جدا و جربوا و شوفوا النتائج
اسلوب الام و الاب الانهزامي اللي طفله مسيطر عليه ما راح يؤدي إلى تربيه طفل متمرد مدلل
لا يعرف شون يتصرف مستقبلا
طبعا هذا البوست اني كاتبه الكم
غير مسموح أبدا بإعاده كتابته للبوست باسماؤكم فقط
المشاركه من الصفحه
اريد تعليقات لان الأمهات يحبون يتعلمون من التعليقات
شكرا الكم
